ആര്യൻ നെല്ലിന് അയ്യപ്പൻ കനിയണം!

കൃഷിവിചാരം

- കെ.ആർ. പ്രമോദ് 9447809631 ഇ- മെയിൽ: krpramodmenon@gmail.​com

വൃശ്ചികപ്പുലരി പിറന്നപ്പോൾ കൊച്ചുകേശവന് ഒരാഗ്രഹം- തനിക്കും ശബരിമലയ്ക്കു പോകണം! സാമ്പത്തിക ബുദ്ധിമുട്ടുകൊണ്ടാവാം, അച്ഛൻ അതു സമ്മതിച്ചില്ല. കേശവൻ ഉടൻ നിരാഹാരസമരം പ്രഖ്യാപിച്ചു. അതോടെ വീട്ടിലുളളവർ കീഴടങ്ങി. അച്ഛനോടൊപ്പം കൊച്ചു കേശവനും അങ്ങനെ മാലയിട്ടു. കെട്ടുമുറുക്കുള്ള വീടുകളിൽ ദിവസവും എല്ലാവർക്കും സദ്യയുണ്ടാകും. സദ്യയ്ക്കും മറ്റും ആവശ്യമായ വഴുതനങ്ങ, കത്രിക്ക, വെണ്ടയ്ക്ക, തേങ്ങ, മാങ്ങ എന്നിവയൊക്കെ വീട്ടുകാർ പരസ്പരം പങ്കുവയ്ക്കുകയാണു പതിവ്. പോരാത്തവ വൃശ്ചികച്ചന്തയിൽനിന്നു വാങ്ങും. "അയ്യപ്പൻ വിളക്കി'ന്റെ സദ്യ യ്ക്കും പച്ചക്കറികൾ ഈവിധമാണ് സംഭരിക്കുക. "എനിക്ക് ചോറിന് വെണ്ടയ്ക്കാ സാമ്പാർ വേണം! എന്ന് കന്നിസ്വാമിയായ കൊച്ചുകേശവൻ പറഞ്ഞാൽ അപ്പോൾത്തന്നെ പീടികയിൽനിന്നോ അയലത്തെ പറമ്പിൽ നിന്നോ വെണ്ടയ്ക്ക് എത്തുകയായി! മലയാള സാഹിത്യത്തിലെ റിബലായിരുന്ന പി.കേശവദേവ് ഇങ്ങനെ തന്റെ ബാല്യകാലത്തിലെ ശബരിമല സ്മരണകൾ വിവരിക്കുമ്പോൾ പഴയ ഗ്രാമീണ സംസ്കൃതിയുടെ മേന്മകളാണ് വെളിപ്പെടു ന്നത്. സദ്യയൊരുക്കാനും കലവറ നിറയ്ക്കാനും നടു തലകൾ നട്ടുണ്ടാക്കാനും പഠിച്ചത്