റോയ് എന്ന അപ്പനും ടോണി എന്ന മകനും

നമ്മുടെ നാടിന്റെ പൊതുവായ ഒരു പ്രശ്നവും ഒരപ്പന്റെയും മകന്റെയും ആത്മ ബന്ധത്തിലൂടെ രസകരമായി പറയുകയാണ് ഈ ചിത്രത്തിലൂടെ.

- വാഴൂർ ജോസ്

ഇവരെ നമുക്കൊന്ന് ശ്രദ്ധിക്കാം. തൂവെള്ള ഷർട്ടും, മുണ്ടും ധരിച്ചവർ..

ഒരാൾ റോയി... ഒരാൾ ടോണി.

ഇവരുടെ പെരുമാറ്റവും, സംസാരവുമൊക്കെ ശ്രദ്ധിച്ചാൽ നമുക്ക് പെട്ടെന്ന് തോന്നാവുന്നത് രണ്ട് സുഹൃത്തുക്കളാണന്നാണ്. എന്നാൽ ഇവർ അപ്പനും മകനുമാണ്. തനി നാട്ടുമ്പുറത്തിന്റെ പ്രതീകം. സാധാരണ കുടുംബത്തിലെ അംഗങ്ങൾ.

റോയ് വർക്ക്ഷോപ്പുടമയാണ്. നല്ല അധ്വാനി. മേലനങ്ങി പണി ചെയ്യുക, ഒപ്പം അൽപ്പം ആനന്ദിക്കുക റോയ് എന്ന ശുദ്ധമനഃസ്ഥിതിക്കാരന്റെ ജീവിതശൈലിയാണ്. ഏക മകനാണ് ടോണി രണ്ടുപേർക്കുമിടയിൽ അപ്പൻ മകൻ ബന്ധത്തെക്കാളുപരി സൗഹൃദത്തിനാണ് മുൻതൂക്കം. സുഹൃത്തുക്കളെപ്പോലെയാണ് ഇരുവരും. അവർക്കിടയിൽ അപ്പൻ മകൻ മതിൽ കെട്ടിത്തിരിച്ചിട്ടില്ല.