ഒരു ബിഗ് ബോസ് വിഷു

ബിഗ് ബോസിന്റെ സെറ്റിലെ പായസവും കൈനീട്ടമായിക്കിട്ടിയ സ്വർണ്ണക്കോയിനുമായി രമ്യാ പണിക്കർ

- ജി. കൃഷ്ണൻ

മോഹൻലാൽ അവതാരകനായി വരികയും ജനശ്രദ്ധയാകർഷിക്കുകയും ചെയ്തിട്ടുള്ള ടെലിവിഷൻ പ്രോഗ്രാമായ "ബിഗ് ബോസി'ൽ പങ്കെടുത്തിട്ടുള്ള ഒരാർട്ടിസ്റ്റാണ് രമ്യാ പണിക്കർ, വിഷുവിനെക്കുറിച്ചോർക്കുമ്പോൾ രമ്യയ്ക്ക് മറക്കാൻ കഴി യാതെ ഒരു വർഷത്തെ വിഷു ആഘോഷമുണ്ട്. അത് ബിഗ് ബോസ്സിന്റെ സെറ്റിൽ ആഘോഷിച്ചതായിരുന്നുവത്രേ.ചിരിയോടെ രമ്യ പറഞ്ഞു.

"ഒരു സ്വർണ്ണക്കോയിനാണ് എനിക്കും മറ്റുപലർക്കും അന്ന് വിഷുക്കൈനീട്ടമായി ലഭിച്ചത്. മോഹൻലാൽ സാറിന്റെ കൂടെയുള്ള ആ വിഷു ആഘോഷങ്ങൾളെല്ലാം മറക്കാൻ കഴിയാത്തതാണ്. ഞങ്ങളന്ന് രണ്ട് ടീമായി തിരിഞ്ഞ് പായസമുണ്ടാക്കിയിരുന്നു. രണ്ടുതരത്തിലുള്ള പായസം. അത് രണ്ടും ലാൽ സാർ കഴിക്കുകയും നന്നായിട്ടുണ്ടെന്ന് പറയുകയും ചെയ്തപ്പോൾ ഞങ്ങളുടെ അന്നത്തെ വിഷുദിനത്തിന് മധുരം കൂടി. ഒരു പ്രത്യേക വൈബായിരുന്നു അത്.- രമ്യാ പണിക്കർ പറഞ്ഞു.