പ്രഭാസിന്റെ അഭിനയ ജീവിതത്തിന് രണ്ട് പതിറ്റാണ്ട്

കരിയർ മാറ്റിമറിച്ച ബാഹുബലിയ്ക്ക് ശേഷം പ്രഭാസിനെ തേടിയെത്തുന്നത് എല്ലാം തന്നെ ബിഗ് ബജറ്റ് ചിത്രങ്ങളാണ്

- 

സ്റ്റാർ പ്രഭാസിന്റെ അഭിനയജീവിതത്തിന് രണ്ടു പതിറ്റാണ്ട് പിന്നിടുകയാണ്. പ്രഭാസിന്റെ ആദ്യ ചിത്രമായ "ഈശ്വർ പുറത്തിറങ്ങിയിട്ട് 21 വർഷങ്ങൾ പിന്നിടുന്നു. 2002 നവംബർ 11 നാണ് ഈശ്വർ റിലീസ് ചെയ്തത്. ജയന്ത് സി പര സംവിധാനം ചെയ്ത ചിത്രത്തിൽ ശ്രീദേവി വിജയകുമാർ ആയിരുന്നു നായിക. ആദ്യ ചിത്രമായ ഈശ്വറിൽ നിന്ന് ഇന്ത്യയിലെ ഏറ്റവും താരമൂല്യമുള്ള നായകനടനായി പ്രഭാസ് വളർന്നിരിക്കുകയാണ്. എസ്.എസ് രാജമൗലി സംവിധാനം ചെയ്ത ഛത്രപതിയിലൂടെയാണ് പ്രഭാസ് തെലുങ്കിലെ ശ്രദ്ധേയതാരമായി മാറുന്നത്. എന്നാൽ രാജ മൗലിയുടെ തന്നെ ബാഹുബലി സീരീസിലൂടെയാണ് ഇന്ത്യയിലുടെനീളം ആരാധകരെ സൃഷ്ടിക്കാൻ പ്രഭാസിന് കഴിഞ്ഞത്.