വീണ്ടും ഞാൻ ന്യു ഫേസ് സഞ്ജന ഗൽറാണി

ഇപ്പോൾ ഒരിടവേളക്കു ശേഷം വീണ്ടും മലയാളസിനിമയിൽ അഭിനയിക്കാൻ കഴിഞ്ഞതിൽ നല്ല  സന്തോഷമുണ്ട്

- ജി. കൃഷ്ണൻ

യഥാർത്ഥത്തിൽ കർണ്ണാടകക്കാരി. തെലുങ്കുനാട്ടിലെ സിനിമയിൽ പോലീസ് വേഷത്തിൽ വരുന്നു. അന്വേഷണം  നടത്തുന്നത് കേരളത്തിലും. ഇങ്ങനെ മൂന്ന് സംസ്ഥാനങ്ങളുമായി ബന്ധപ്പെട്ടാണ് ഈ നടി നിൽക്കുന്നത്. പേര് സഞ്ജന ഗൽറാണി.

മലയാളികൾ ഈ നടിയെ മറക്കാൻ സമയമായിട്ടില്ല. കാസനോവ, കിംഗ് ആൻഡ് കമ്മീഷണർ എന്നീ സിനിമകളിൽ അഭിനയിച്ചിരുന്നു. ഒരു വലിയ ഇടവേളയ്ക്ക് ശേഷമാണ് സഞ്ജന ഇപ്പോൾ മലയാള സിനിമയിലേക്ക് വരുന്നത്.

കുറെ മലയാളം സിനിമകളിൽ അഭിനയിച്ചിട്ടുള്ള നിക്കി ഗൽറാണിയുടെ ചേച്ചിയാണ് സഞ്ജന ഗൽറാണിയെന്നു പറഞ്ഞാൽ കുറെക്കൂടി പരിചിതമാകും.

സഞ്ജനയുടെ ഇപ്പോഴത്തെ കൊച്ചിയിലേക്കുളള വരവിൽ ചില സവിശേഷതകളുണ്ട്. മലയാളസിനിമ മാറിപ്പോയി. സഞ്ജനയുടെ ജീവിതത്തിലും മാറ്റങ്ങൾ ഉണ്ടായിട്ടുണ്ട്. ഈയടുത്ത് സഞ്ജന വിവാഹം കഴിച്ചു. ഒരു വയസ്സ് പ്രായമുളള ഒരു ആൺകുട്ടിയുടെ അമ്മയാണ് സഞ്ജന. ഭർത്താവ് അസീസ് പാഷ ബാഗ്ലൂരിൽ ഡോക്ടറായി സേവനം അനുഷ്ഠിക്കുന്നു. മോന്റെ പേര് അലാറിക് പാഷ