സ്റ്റെഫി സേവ്യറിന്റെ മധുര മനോഹര മോഹം

ഈ പ്രശ്നങ്ങൾ പരിഹരിക്കുവാനുള്ള മനുവിന്റെ ശ്രമങ്ങളാണ് ഈ ചിത്രത്തിലൂടെ സ്റ്റെഫി സേവ്യർ അവതരിപ്പിക്കുന്നത്.

- വാഴൂർ ജോസ്.

ചലച്ചിത്ര മേഖലയ്ക്ക് അത്ര പരിചിതമല്ലാത്ത ഒരു മേഖലയാണ് പത്തനംതിട്ട ജില്ല പ്രശസ്ത കോസ്റ്റും ഡിസൈനറായ സ്റ്റെഫി സേവ്യർ സംവിധായികയാകുന്ന ആദ്യ ചിത്രമായ മധുര മനോഹര മോഹത്തിന്റെ പശ്ചാത്തലം പത്തനംതിട്ടയാണ്.

ബീ ത്രീ എം.കിയേഷൻസ് നിർമ്മിക്കുന്ന ഈ ചിത്രത്തിന്റെ ചിത്രീകരണം പത്തനംതിട്ട, കുമ്പഴ, ഓമല്ലൂർ, ഷൊർണൂർ, കൊച്ചി എന്നിവിടങ്ങളിലായി പൂർത്തിയായിരിക്കുന്നു.

പത്തനംതിട്ടയിലെ കുമ്പഴ ഗ്രാമത്തിലാണ് ഈ ചിത്രത്തിന്റെ കഥ നടക്കുന്നത്.

ഇവിടുത്തെ ഒരു യാഥാസ്ഥിതിക നായർ കുടുംബത്തെ പ്രധാനമായും കേന്ദ്രീകരിച്ചു കൊണ്ടാണ് ഈ ചിത്രത്തിന്റെ അവതരണം.

നമ്മുടെ സമൂഹത്തിൽ നാം നിത്യവും കണ്ടുമുട്ടുന്ന കഥാപാത്രങ്ങളാണ് ഈ ചിത്രത്തിലേറെയും.

ഇവരൊക്കെ നമ്മുടെ കുടുംബത്തിലെ അംഗങ്ങളായിത്തന്നെ കണക്കാക്കേണ്ടിവരും.