கல்வித்துறையில் மாற்றங்கள் உருவாகுமா?

கொடுந்தொற்றுக் காலத்தில் மாணவர்கள் பெரிதும் பாதிக்கப்பட்டுள்ளனர். பள்ளிக் கல்வி முதல் உயர்கல்வி, என ஆராய்ச்சிப் படிப்பு வரை ஒவ்வொரு பிரிவு மாணவர்க்கும் ஒவ்வொருவிதமான பாதிப்பு. கல்விக்கூடங்களுக்குச் செல்லாமல் வீட்டிலேயே இருத்தல், வலைவகுப்பு தொடர்பானவை, தேர்வுகள், மேற்படிப்புச் சேர்க்கை எல்லாவற்றிலும் சிக்கல்கள். ஆசிரியர்களுக்கும் பலவிதமான பிரச்சினைகள். அவ்வப்போது எழும் பிரச்சினைக்குத் தற்காலிகத் தீர்வு கண்டால் போதாது. இவற்றை ஆழ்ந்து ஆராய்ந்து தெளிவான முடிவுகளை அரசு எடுக்க வேண்டியுள்ளது. 2020 -2021ஆம் கல்வியாண்டு முழுவதும் பலவிதக் குழப்பங்களோடு கழிந்து போயிற்று. தொற்றின் மூன்றாம் அலை பற்றிப் பரவலாகப் பேசப்பட்டு வரும் நிலையில் 2021-2022ஆம் கல்வியாண்டையாவது முறையாகத் திட்டமிட்டால் எதிர்கொள்வது எளிதாக இருக்கும்.

- 

மாணவர்கள் வீட்டிலேயே இருப்பதால் கல்விச் சூழலிலிருந்து அந்நியமாகியுள்ளனர். சிறுவர்கள் கல்வியிலிருந்து முற்றிலுமாகத் துண்டிக்கப்பட்டுள்ளனர். பதின் பருவத்தினர் பலர் வெவ்வேறு வேலைகளுக்குச் செல்கின்றனர். இளவயதுத் திருமணங்கள் கூடியிருக்கின்றன. மீண்டும் கல்விக்கூடங்கள் முறையாகத திறக்கப்படும் போது &