പാലക്കാടിന്റെ കോങ്ങാടിന്റെ ശ്രീ തുളസി

സംസ്ഥാന മന്ത്രിയും കോങ്ങാട് എംഎൽഎയുമായ കെ.എ.തുളസിയും പാലക്കാട് എംപി വി.കെ. ശ്രീകണ്ഠനും പങ്കുവയ്ക്കുന്ന വിശേഷങ്ങൾ

- ബൈജു ഗോവിന്ദ്

കോങ്ങാട് മണ്ഡലത്തിൽ ഇത്തവണ തിരഞ്ഞെടുപ്പു ഫലം വന്ന ദിവസം ചിലർക്കു തോന്നിയത് ഇങ്ങനെ: "ഇടതുകോട്ട പൊളിഞ്ഞോ?' മറ്റു ചിലർ പറഞ്ഞു: “കോട്ട ആടിയുലഞ്ഞു, ഗേറ്റിലൂടെ തുളസി ടീച്ചർ ജയിച്ചു കയറി.

രാഷ്ട്രീയത്തിൽ ചില ജയങ്ങൾ വെറും വിജയമല്ല. നാട്ടുകാർ വർഷങ്ങളായി മനസ്സിൽ കൊണ്ടു നടന്നിരുന്ന ആഗ്രഹങ്ങളുടെ പൂർത്തീകരണമാണ്.

"ഇവിടെയൊരു മാറ്റം ഉണ്ടാകുമോ?' പാലക്കാട് ജില്ലയിലെ കോങ്ങാട് മണ്ഡലത്തിലെ വോട്ടർമാർ ആകാംക്ഷയോടെ നോക്കിയിരിക്കുകയായിരുന്നു.

ഒടുവിൽ, 25 വർഷങ്ങൾക്കു ശേഷം യുഡിഎഫ് ജയിച്ചു. കെ.എ.തുളസി, മന്ത്രിയുമായി കോളജ് പ്രഫസറാണ്. നാട്ടുകാർ ടീച്ചറെന്നാണ് വിളിക്കുന്നത്. സ്വന്തം വഴിയിലൂടെ നടന്നു വിജയിച്ചെത്തിയ തുളസി പാലക്കാട് എംപി, വി.കെ. ശ്രീകണ്ഠന്റെ ഭാര്യയാണ്.

വിജയത്തിന്റെ തിരക്കുകൾക്കിടയിലും തുളസി ടീച്ചർ കുളായിരുന്നു. ജീവിതത്തിലെ ഏറ്റവും സുന്ദരമായ കാലം ഏതാണ്? 'ചോദ്യമെത്തിയപ്പോൾ ടീച്ചർ ഒരു നിമിഷം പോലും ആലോചിച്ചില്ല.

“വിക്ടോറിയ കോളജിലെ പഠനകാലം'' അതു കേട്ട് സമീപത്തിരുന്ന ശ്രീകണ്ഠൻ ചിരിച്ചു. ഭാര്യയുടെ ജീവിതകഥ പറയാൻ അവസരം കിട്ടിയതിന്റെ ആവേശം മുഖത്തു തെളിഞ്ഞു.“തുളസി ഇതു പറയാൻ വേറൊരു കാരണമുണ്ട്...'' പാലക്കാട് വിക്ടോറിയ കോളജിലേക്ക്, ഓർമകളുടെ ട്രാക്കിൽ നിന്ന് ചൂളം വിളി ഉയർന്നു.

പഴയന്നൂർ ഗവൺമെന്റ് സ്കൂളിൽ നിന്ന് ഇരിങ്ങാലക്കുട സെന്റ് ജോസഫ്സ് കോളജിലേക്കും അവിടെ നിന്ന് ഗുരുവായൂർ ലിറ്റിൽ ഫ്ളവർ കോളജിലേക്കും, ഒടുവിൽ പാലക്കാട് ഗവ. വിക്ടോറിയ കോളജിലേക്കുമുള്ള തുളസിയുടെ യാത്ര.

മറ്റുള്ളവർക്ക് അതൊരു സാധാരണ ടൂർ പോലെ തോന്നിയേക്കാം. പക്ഷേ, ഓരോ ഘട്ടങ്ങളിലും സാമ്പത്തിക ബുദ്ധിമുട്ടും ഹോസ്റ്റൽ ജീവിതവും മാർക്കിനായുള്ള പോരാട്ടവും ഉണ്ടായിരുന്നു.

ആദ്യമായി കണ്ട കഥ

തുളസിക്ക് എല്ലാ വിഷയങ്ങൾക്കും നല്ല മാർക്ക് ഉണ്ടായിരുന്നു'' തുളസിയെ ആദ്യമായി കണ്ട കഥ പറയാൻ പറഞ്ഞപ്പോൾ എംപിയുടെ മുഖത്തു പഴയ രാഷ്ട്രീയ -റൊമാൻസിന്റെ ലൈറ്റ് തെളിഞ്ഞു.

*2004ലെ ഇലക്ഷൻ കാലം. സ്ഥാനാർഥിയായിട്ടാ ണ് തുളസി ആദ്യമായി എന്റെ മുന്നിൽ വന്നത്.'' ശ്രീകണ്ഠൻ പറഞ്ഞു.