എൽപിജി മസ്റ്ററിങ് വീട്ടിൽ ചെയ്യാം

സ്മാർട് ഫോൺ ഉപയോഗിച്ചു വിട്ടിലിരുന്നു ഗ്യാസ് മസ്റ്ററിങ് ചെയ്യുന്നത് എങ്ങനെയെന്നു പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ഗ്യാസ് സബ്സിഡിയുമായി ബന്ധപ്പെട്ട് അടുത്തിടെ എല്ലാവരും ആശങ്കപ്പെട്ട കാര്യമാണ് എൽപിജി മറിങ്, ഗ്യാസ് ഏജൻസിയിൽ ഇതിനായി പോയി കാത്തുനിന്നവരും നിരാശരായി മടങ്ങിയവരും കുറവല്ല. എൽപിജി മറിങ് സ്മാർട് ഫോൺ ഉപയോഗിച്ച് ഈസിയായി ചെയ്യാം.

പഠിക്കാം പടിപടിയായി

പ്ലേസ്റ്റോറിൽ നിന്ന് ആധാർ ഫെയ്സ് ആർഡി എന്ന ആപ് ഫോണിൽ ഡൗൺലോഡ് ചെയ്ത് ഇൻസ്റ്റാൾ ചെയ്യുക. ഇനി നിങ്ങളുപയോഗിക്കുന്ന ഗ്യാസ് കണക്ഷൻ ഏതു കമ്പനിയുടെയാണോ അവരുടെ മൊബൈൽ ആപ്പും ഇൻസ്റ്റാൾ ചെയ്യുക. ഗ്യാസ് കണക്ഷൻ ആപ്പിലെ സൈൻ അപ് എന്നത് അമർത്തി വിവിധ ഘട്ടങ്ങൾ പൂർത്തിയാക്കേണ്ടതുണ്ട്. ഏജൻസിയിൽ ഗ്യാസ് കണക്ഷനെടുത്തപ്പോൾ നൽകിയ അതേ മൊബൈൽ നമ്പർ ഉപയോഗിച്ച് അക്കൗണ്ട് ക്രിയേറ്റ് ചെയ്യുക. അതിനു ശേഷം ലിങ്ക് മൈ എൽപിജി ഐഡി എന്നത് അമർത്തുക.