വാശി ചിലതുണ്ട്

ചില തീരുമാനങ്ങളും ഇഷ്ടങ്ങളും വെളിപ്പെടുത്തുകയാണ് താരം അപർണ ദാസ്

- രാഖി റാസ്

ആദിത്യ മോനും അതിഥി മോളും തൃശൂര് പോയി... തൃശൂര് ട്രെയ്നില് പോയി...അവിടെ ഗുഡ്സ് ട്രെയ്നിനെ ഗുഡ്സ് ിനെ ആദ്യം കണ്ടത് യാര്..

അപർണയുടെ ചുണ്ടിൽ ഇപ്പോൾ തത്തിക്കളിക്കുന്ന പാട്ട് കേട്ടാൽ ആരും ചോദിച്ചു പോകും അടുത്ത സിനിമ യിൽ തൃശൂര്കാരിയായിട്ടാ?

“അയ്യോ അല്ല, ഇതൊരു തമിഴ് പാട്ടാണ് റിലീസിന് ഒരുങ്ങുന്ന അപർണയുടെ പുതിയ തമിഴ് ചിത്രത്തിലേതാണ് ഈ പാട്ട്, “സിനിമയിൽ ഞാൻ മലയാളിയില്ല, പക്ഷേ, ഗാനരചയിതാവ് മലയാളി ആണ്. അതാണ് തനി തമിഴ് പാട്ടിന് ഇങ്ങനെയാരു തുടക്കം..

മലയാളത്തിലും തമിഴിലും നല്ല തുടക്കം കിട്ടിയ അപർണ കൂടുതൽ സിനിമകൾക്കായി ഓടിനടന്നില്ല. “ഏതു ഭാഷയിലായാലും നല്ല കഥാപാത്രങ്ങൾ കിട്ടണം.'' കോവിഡ് കാലം കഴിയും വരെയേ അപർണയ്ക്ക് കാത്തിരിക്കേണ്ടി വന്നുള്ളൂ. ആ ഭാഗ്യം തേടി വന്നു.

നല്ല ജോലിയിൽ നിന്നാണല്ലോ സിനിമയിലെത്തിയത് ?

സിനിമയോടായിരുന്നു എന്നും പാഷൻ. എനിക്ക് തിരിച്ചറിവ് വന്ന കാലം മുതൽ സിനിമയിൽ വരണം എന്ന് ആഗ്രഹിച്ചിരുന്നു. ബിബിഎ പഠനം കഴിഞ്ഞപ്പോൾ ഇനി സ്വന്തമായി സമ്പാദിക്കണം എന്നു തോന്നി. അങ്ങനെ ജോലി ചെയ്യാൻ തീരുമാനിച്ചു. പഠിച്ച വിഷയവുമായി യാതൊരു ബന്ധവും ഇല്ലാത്ത ജോലി.