ജലലിംഗരൂപിയായി മഹേശ്വരൻ

ഉമാദേവി ഇരുകൈകൾ കൊണ്ടും ജലം കോരിയെടുത്ത് നിർമിച്ച ലിംഗമാണ് തിരുവൈ നയ്ക്കൽ ജംബുകേശ്വര ക്ഷേത്രത്തിലുള്ളത്. പ്രതിഷ്ഠ തന്നെ ജലത്തിലാണ്. ലിംഗത്തിന് ചുറ്റും സദാ ജലം ഊറിക്കൊണ്ടേയിരിക്കും. പഞ്ചഭൂത ക്ഷേത്രങ്ങളിൽ ഇത് ജലത്തെ പ്രതിനിധാനം ചെയ്യുന്നു.

- 

തമിഴ്നാട്ടിലെ തിരുച്ചിറപ്പള്ളി ജില്ലയിൽ ശ്രീരംഗത്താണ് പുരാതനമായ തിരുവൈ നയ്ക്കൽ ജംബുകേശ്വരക്ഷേത്രം സ്ഥിതി ചെയ്യുന്നത്.ജലലിംഗരൂപിയായി മഹേശ്വരൻ സ്ഥിതി ചെയ്യുന്ന ക്ഷേത്രമാണിത്. തിരുവനക്കാവ് ക്ഷേത്രം എന്ന് അറിയ പ്പെടുന്നതും ഈ ക്ഷേത്രം തന്നെയാണ്.ആനയ്ക്ക് മോക്ഷം ലഭിച്ച സ്ഥലമായതു കൊണ്ട് ആനയ്ക്കൽ എന്നായി എന്നും പിന്നീട് തിരുവാനയ്ക്കൽ എന്നാവുകയും ചെയ്തുവെന്നുമാണ് വിശ്വാസം. കാലാതരത്തിൽ തിരുനയ്ക്കൽ കോവിൽ എന്ന് പ്രസിദ്ധമാകുകയും ചെയ്തു.

ഭഗവാൻ ജംബുകേശ്വരൻ

 പാർവതി ദേവി പൂജ ചെയ്തിരുന്ന ഇടമായിരുന്നു ഇവിടം ഗജരാജ്യം എന്നറിയപ്പെട്ടിരുന്നു.  ഒരിക്കൽ ജംബുമഹർഷി ഇവിടെയെത്തി നിത്യ വും കാവേരിയിൽ സ്നാനം ചെയ്ത് ഇവിടെ പൂജ ആരംഭിച്ചു. ഒരു ദിവസം കുളിച്ച് കയറുമ്പോൾ ഒരു ഞാവൽ പഴം കിട്ടി. അത് കൊണ്ടു പോയി പരമശിവന് കൊടുത്തു. പരമശിവൻ പഴം വാങ്ങി ഭക്ഷിച്ചിട്ട് കുരു മഹർഷിക്ക് നൽകുകയും മഹർഷി ആ കുരു വിഴുങ്ങുകയും ചെയ്തു. അത് വയറ്റിൽ നിന്ന് ജംബുമരമായി വളർന്ന് വൃക്ഷമായി. ഭഗവാന്റെ സ്ഥാനമാണിതെന്ന് മനസിലാക്കിയ മഹർഷി അവിടെത്തന്നെ ഇരിക്കാൻ തീരുമാനിച്ചു. ആ മരച്ചുവട്ടിൽ ലിംഗരൂപത്തിൽ ഭഗവാൻ സ്വയംഭൂവായിയെന്നാണ് വിശ്വാസം. ഇവിടെ വച്ച് പാർവതിക്ക് പരമശിവൻ ജ്ഞാനോപദേശം നൽകുകയുണ്ടായിയെന്നും അങ്ങനെ ഭഗവാൻ ജംബു കേശ്വരനായി അറിയപ്പെടാൻ തുടങ്ങിയെന്നാണ് ഐതിഹ്യം. അതിനാൽ ജ്ഞാനക്ഷേത്രം എന്നും ഇതിന് പേരുണ്ട്.

ആന പൂജിച്ച ശിവലിംഗം