ആമയെ കാണുന്നത് നല്ലതോ?

ബാംഗ്ലൂർ നഗരത്തിൽ നിന്നും സാംപികേ റോഡ് വഴി അരമണിക്കൂർ സഞ്ചരിച്ചാൽ ക്ഷേത്രത്തിലെത്താം.

- അദ്വൈത്

ആമയെ കാണുന്നത് നല്ലതല്ല, ആമ കയറിയ വീട് നശിക്കും എന്നൊക്കെയാണ് പറയാറ്. എന്നാൽ ബാംഗ്ലൂരിന് സമീപ ത്തുള്ള “കാടുമല്ലി കാർജ്ജുനസ്വാമി ക്ഷേത്രത്തിലുള്ള ആമകളെ കണ്ടാൽ ലക്ഷ്മീ കടാക്ഷമുണ്ടാവും എന്നാണ് പറയപ്പെടുന്നത്. മാത്രമല്ല ഇവിടെ മല്ലികാർജ്ജുനൻ എന്ന ദിവ്യനാമധേയത്തിൽ കുടികൊള്ളുന്ന ശിവനെ തിങ്കളാഴ്ച ദർശനം നടത്തി പ്രാർത്ഥിച്ചാൽ മുജ്ജന്മപാപങ്ങൾ അകലും എന്നുമാണ് വിശ്വാസം. ഈ ക്ഷേത്രത്തിന്റെ ഉൽപ്പത്തിയെക്കുറിച്ച് ഒരു സംഭവ കഥയുണ്ട്. അത് ഇപ്രകാരമാണ്.

വെറ്റിലവ്യാപാരിയായ ഒരാൾ ഇവിടെ തങ്ങവേ, മൂന്ന് കല്ലുകൾ ചേർത്തുവെച്ച് അടുപ്പുണ്ടാക്കി തീ കത്തിച്ചു. അദ്ദേഹം പാചകം ചെയ്തുകൊണ്ടിരിക്കവേ, പാചകം ചെയ്ത ആഹാരം രക്തമായി മാറി.