മൃത്യുചിഹ്നങ്ങൾ

സ്തുതിപാഠകരും ആരാധകരും കൂടുന്തോറും ആ ആൾക്ക് സൗന്ദര്യവും വ്യക്തിത്വവും വർദ്ധിക്കും.

- പ്രദീപ് പേരശ്ശനൂർ 9447536593

മഹാഭാരതത്തിൽ ഭീഷ്മർ മനുഷ്യജീവിതത്തിലെ പൊതുല ക്ഷണങ്ങളെ കുറിച്ചും മൃത്യുവിന്റെ അടയാളങ്ങളെപ്പറ്റിയും ശകുന ങ്ങളെക്കുറിച്ചും ശരശയ്യയിൽ കിടന്ന് യുധിഷ്ഠിരന് വ്യക്തമാക്കി ക്കൊടുക്കുന്നുണ്ട്. അതോടൊപ്പം അദ്ദേഹം ഓർമ്മിപ്പിക്കുകയും ചെയ്യുന്നു. ഇപ്പറഞ്ഞ ധാരണകളെ തെറ്റിക്കുന്ന വിധത്തിലും പ്രകൃതി യുടെ പ്രഹരങ്ങൾ ഉണ്ടാകാം. സ്ഥൂലവും സൂക്ഷ്മവുമായ തത്വങ്ങൾ ചുറ്റിപ്പിണഞ്ഞ് മനുഷ്യചിത്തത്തിന് പിടിതരാത്തവിധം വഴുതാറോ തെറ്റിദ്ധരിപ്പിക്കാറോ ഉണ്ട്. ആയതിനാൽ വിവേചനബുദ്ധിയോടെ ഇവയെ ഉപകാരപ്രദമാക്കാൻ ശ്രമിക്കണം.

ഒരുവന്റെ ദുഷ്ടതയുടെ തോത് അവന്റെ കൃഷ്ണമണികൾ നോക്കിയാലറിയാം. നിഷ്ക്കളങ്കത കൺവെള്ളകളുടെ ശോഭയിൽ നിന്നും.

ആയുർദൈർഘ്യം അവനവന്റെ ലംബമായ ഹസ്തരേഖകളിൽ നിന്നും ഗണിച്ചെടുക്കാം. പക്ഷേ അപകടമരണങ്ങൾ അതിനപവാദമാണ്. യജമാനന്റെ മരണവിവരം മുൻകൂട്ടി വെളിപ്പെടുത്തുന്ന വളർത്തുപക്ഷികളും മൃഗങ്ങളുമുണ്ട്. മനുഷ്യനേക്കാൾ പ്രകൃതിയുടെ ഭാഷ മനസ്സിലാക്കുക പക്ഷികൾക്കും തിര്യക്കുകൾക്കുമാണ്.