കാർക്കോടകന് ശാപവും നളന് വിഷബാധയും

ഇന്ത്യയിൽ ഏറ്റവും പഴക്കമുള്ളതായി പറയപ്പെടുന്ന നാഗാരാധനയ്ക്ക് നമുക്കിടയിൽ മഹത്തായ ഒരു സ്ഥാനമാണുള്ളത്. മറ്റ് പല രാജ്യങ്ങളിലും നാഗാരാധന ഉണ്ടെങ്കിലും ഏറ്റവും മഹനീയം ഭാരതത്തിലാണ്. എന്നാൽ ഭാരതത്തിൽ കേരളത്തിലാണ് നാഗാരാധനയ്ക്ക് കൂടുതൽ പ്രാധാന്യം. കേരളത്തിന്റെ സംസ്ക്കാരവും ചരിത്രവുമായി ബന്ധപ്പെട്ട ഒന്നാണ് സർപ്പാരാധന. നാഗപ്രീതിക്കായി ഒട്ടേറെ അനുഷ്ഠാനങ്ങൾ ആവിഷ്ക്കരിക്കുകയും താന്ത്രിക വിധിപ്രകാരം അവ അനുഷ്ഠിക്കുകയും ചെയ്യുന്നവർ കേരളത്തിലെ പ്പോലെ മറ്റെങ്ങുമില്ല. ഒരു കാലത്ത് സമൂഹത്തിന്റെ തന്നെ ഭാഗമായിരുന്ന സർപ്പക്കാവുകൾ മിക്ക തറവാടുകളുടെയും ഐശ്വര്യമായിരുന്നു.

- ബാബുരാജ് പൊറത്തിശ്ശേരി 9846025010

സർപ്പങ്ങൾ എന്നുകേട്ടാൽ നമ്മുടെ ഉള്ളിൽ ഭയം നിറയുമെങ്കിലും സർപ്പക്കാവു കൾ എന്നുകേൾക്കുമ്പോൾ മനസ്സിൽ ഭക്തിയും ഐശ്വര്യം നിറഞ്ഞാടുന്നു. ഗ്രാമഭംഗികളിൽ സർപ്പക്കാവുകളും സർപ്പ പൂജകളും ഇന്നും ജ്വലിച്ചു നിൽക്കുന്നു. മരങ്ങളും വള്ളിപ്പടർപ്പുകളും ഇടതൂർന്ന് നിൽക്കുന്ന കാവിലാണ് മനുഷ്യമനസ്സിൽ ഭക്തിയുടെ നിറ കുടമായിരുന്ന നാഗയക്ഷിയും നാഗദേവതയും കുടിയിരിക്കുന്നത്. തൃസന്ധ്യാനേരത്ത് സർപ്പക്കാവുകളിൽ വിളക്കു തെളിയിക്കാൻ കന്യകമാർ പോകുന്നത് ഒരു സ്ഥിരം തറവാടുകാഴ്ചയായിരുന്നു.

ദൈവിക പരിവേഷം നൽകി സർപ്പങ്ങളെ കല്ലിലോ ലോഹങ്ങളിലോ ആണ് പ്രതിഷ്ഠിച്ചിരുന്നത്. വൈഷ്ണവ സമ്പ്രദായത്തിൽ അനന്തനേയും ശൈവസമ്പ്രദായത്തിൽ വാസുകിയേയുമാണ് ക്ഷേത്രങ്ങളിൽ സാധാരണയായി ആരാധിച്ചുവരുന്നത്. അനന്തൻ, വാസുകി, തക്ഷ കൻ, കാർക്കോടകൻ, ശംഖപാ ലൻ, മഹാപത്മൻ, പത്മൻ, ഗുളികൻ എന്നീ നാഗഷ്ഠന്മാരാണ് അഷ്ടനാഗങ്ങൾ എന്ന പേരിൽ അറിയപ്പെട്ടിരുന്നത്.

ക്ഷേത്രങ്ങളിൽ ഉന്നതസ്ഥാനം കൽപ്പിക്കപ്പെട്ട സർപ്പങ്ങളെ മതിൽക്കെട്ടിനകത്തോ ആലിൻചുവട്ടിലോ പ്രതിഷ്ഠിച്ചാണ് ആരാധിച്ചിരുന്നത്.

അഷ്ടനാഗങ്ങളിൽ ഒരാളായ കാർക്കോടകന് നാരദനിൽ നിന്നേറ്റ ശാപവും ആ ശാപത്തിൽ നിന്നുള്ള മോചനവുമാണ് ഞാനിവിടെ എഴുതുന്നത്.

നാഗപ്രമാണിമാരിലൊരാളാണ് കാർക്കോടകൻ. വാസുകിയേയും തക്ഷകനേയും പോലെ കാർക്കോടകനും മാതാവായ കദ്രുവിൽ നിന്നകന്നാണ് പാതാളലോകത്ത് വാസമുറപ്പിച്ചത്. നാരദമുനിയെ വഞ്ചിച്ചുവെന്ന കുറ്റംചുമത്തി ഒരിക്കലദ്ദേഹം കാർക്കോടകനെ ശപിക്കുകയുണ്ടായി.

“സഞ്ചരിക്കാൻ കഴിയാത നീ ഒരിടത്തിരുന്നു പോകട്ടെ. ഇതായിരുന്നു നാരദന്റെ ശാപം.

കാർക്കോടകൻ മുനിയോട് മാപ്പു പറഞ്ഞു.