இலங்கையில் ISO 27001:2022 சான்றிதழைப் பெற்ற முதலாவது ஆயுள் காப்புறுதி சேவை வழங்குனராக யூனியன் அஷ்யூரன்ஸ்

யூனியன் அஷ்யூரன்ஸ் தகவல் தொழினுட்ப உட்கட்டமைப்பு மற்றும் பாதுகாப்பு பிரிவின் உதவி உப தலைவர் சல்மல் பத்திரன, யூனியன் அஷ்யூரன்ஸ் பிரதம தகவல் அதிகாரி ஹர்ஷ சேனநாயக்க, யூனியன் அஷ் யூரன்ஸ் பிரதம நிறைவேற்று அதி காரி செனத் ஜயதிலக, Bureau Veritas இன் இலங்கைக்கான பொது முகாமையாளர் ஷான் நானயக்கார மற்றும் Bureau Veritas சந்தைப்படுத்தல் மற்றும் விற்பனை பொது முகாமை யாளர் சுபாஷ் டி சில்வா ஆகியோர் காணப்படுகின்றனர்.

- 

இலங்கையில் நீண்ட காலமாக இயங்கும் தனியார் ஆயுள் காப்புறுதி சேவைகள் வழங்குனரான யூனியன் அஷ்யூரன்ஸ், தொழிற்துறையில் தகவல் பாதுகாப்பு நியமங்களை மாற்றியமைத்துள்ளமைக்காக ISO/IEC 27001:2022 சான்றிதழைப் பெற்ற முதலாவது ஆயுள் காப்புறுதி சேவைகள் வழங்கும் நிறுவனமாக தெரிவாகியுள்ளது.

சர்வதேச ரீதியில் ஏற்றுக் கொள்ளப்பட்ட இந்த சான்றிதழினூடாக, யூனியன் அஷ்யூரன்ஸ் கொண்டுள்ள தகவல் பாதுகாப்பு முகாமைத்துவ கட்டமைப்பின் (ISMS) முதிர்ச்சி மற்றும் வலிமை ஆகியன உறுதி செய்யப்பட்டுள்ளன. இதனூடாக நிறுவனத்தின் மிகவும் முக்கியமான சொத்தான - வாடிக்கையாளர் தரவுகள், வியாபார மதிநுட்பம், நிதிசார் தகவல், புலமைச் சொத்துகள் மற்றும் மூன்றாம் தரப்பு பதிவுகள் போன்றன அடங்கியுள்ளன.

ISO 27001:2022 இல் சில முக்கிய பதிவேற்றங்கள் அறிமுகம் செய்யப்பட்டுள்ளன. அதில், threat intelligence, secure coding, cloud service governance, data masking மற்றும் ICT continuity போன்றன அடங்கியுள்ளன. இந்த நவீன கட்டுப்பாடுகள், இன்றைய சைபர் இடர்களை கையாள்வதற்கு முக்கியமானதாக அமைந்திருப்பதுடன், நாளாந்த செயற்பாடுகளில் தகவல் பாதுகாப்பு நெருக்கமான முறையில் உள்வாங்கப்பட்டுள்ளமை உறுதி செய்யப்பட்டுள்ளது. யூனியன் அஷ்யூரன்ஸ் தனது பரந்த சைபர்பாதுகாப்பு மாற்ற பயணத்தில் முக்கிய அங்கமாக இந்த நியம மேம்படுத்தலை பின்பற்றியுள்ளது. இதில், சர்வதேச சிறந்த செயற்பாடுகளான Microsoft Cybersecurity Reference Architecture (MCRA), the Microsoft Cloud Security Benchmark (MCSB) மற்றும் Centre for Internet Security (CIS) IG2 framework ஆகியவற்றுடன் ஒன்றித்துள்ளமை அடங்கியுள்ளது.