பக்தர்களை அன்புடன் அரவணைக்கும் பதுவை பதியரான புனித அந்தோனியார்

"பாதுவா நகரிலே உதித்தீர் முனிவரே... பாமாலை சூடினோம் கனிவாய் ஏற்பீரே...!" செவ்வாய்க்கிழமைதோறும் கொழும்பு கொச்சிக்கடை வட்டாரத்தில் மூன்று வேளையும் காதில் ஒலித்துக் கொண்டிருக்கும் பாடல்தான் இது. இப்பாடல் காலையில் தமிழிலும் நண்பகலில் ஆங்கிலத்திலும் மாலையில் சிங்களத்திலும் பாடப்படுவது சிறப்பம்சமாகும். லட்சக் கணக்கான பக்தர்களை ஆலயம் நோக்கி வரச்செய்வதும் இப்பாடல் என்றால் கூட அது மிகையல்ல.

- சந்திரா

செவ்வாய்க்கிழமை என்றாலே கொச்சிக்கடை புனித அந்தோனியார் ஆலய சுற்று வட்டாரம் விழாக்கோலம் பூண்டுவிடும். அப்படியிருக் கும்போது, புனிதரின் திருவிழா என்றால் கொண்டாட்டத்துக்குக் கேட்கவா வேண்டும்?

கொடியேற்றம் தொடங்கிய நாள் முதல் திருவிழா தினம் வரை கொச் சிக்கடை கோலாகலமாகவே காட்சிதரும் என்பதில் ஆச்சரியம் எதுவு மில்லை. புனித அந்தோனியார் ஆலய 191 ஆவது வருடாந்த திரு விழா இன்று கோலாகலமாகக் கொண்டாடப்படுகின்றது.

புனிதரின் பிறப்பு

பதுவை பதியரான புனித அந்தோனியார், புனித பிரான்சிஸ்கன் சபையைச் சேர்ந்த குருத்துவராவார். இவரது பிறப்பிடம் லிஸ்பன் நகராக இருந்தாலும் உலக மக்கள் அனைவராலும் இவர் 'பதுவைப்ப தியர்' என்றே அழைக்கப்படுகிறார். இத்தாலி நாட்டிலுள்ள பதுவை நகரில்தான் புனிதர் தமது இறுதி நாட்களைக் கழித்ததாக வரலாறு கூறுகிறது. அவர் மரித்ததும் அடக்கம் செய்யப்பட்டதும் அங்குதான். ஆகவேதான் 'பதுவைப் பதியர்' என அழைக்கப்படுகின்றார். இவர் இறந்த சில வருடங்களிலேயே இவருக்குப் பட்டம் பெற வாய்ப்பாக அமைந்தது இவரது புனித வாழ்வும், கூரிய நுண்ணறிவும், விவிலிய ஆர்வமும் தான்.

புனிதர் மரித்த இன்றைய தினமே(ஜூன் 13) அவருக்குத் திருவிழா எடுக்கும் நாளாக திருச்சபையால் பிரகடனப்படுத்தப்பட்டது. ஐரோப்பாவிலுள்ள போர்த்துக்கல் நாட்டின் தலைநகரான லிஸ்பன் மாநகரில் 1195 ஆம் ஆண்டு ஆகஸ்ட் மாதம் 15 ஆம் திகதி புனிதர் பிறந்தார். அவரது பெற்றோர்கள் மார்டின், மேரி ஆகியோருக்கு மூன் றாவதாகப் பிறந்த குழந்தையே புனித அந்தோனியார். இவரது இயற் பெயர் பேர்டினாண்ட் மார்ட்டின் என்பதாகும்.