உளவளத்துணை எனும் எண்ணக்கருவும் தற்காலத்தில் அதன் அவசியமும்

இன்றைய நவீன உலகில் மனிதன் பல சவால்களுக்கு முகம் கொடுத்து வருகிறான். அவற்றை வெற்றி கொள்ள உதவும் ஒரு சாதனமாக உளவளத்துணை காணப்படுகிறது. உளவளத்துணை என்பது நபர் ஒருவர் தனது தனிப்பட்ட, சமூக மற்றும் உணர்ச்சி சார்ந்த சிக்கல்களைத் தீர்க்கும் நோக்குடன், நம்பிக்கையுள்ள உறவின் அடிப்படையில், உளவியல் நிபுணரின் வழிகாட்டுதலுடன் வழங்கப்படும் ஆலோசனைக் கொள்கை ஆகும்.

- வி.கிருஷாந்தி

இதனை British Association for Counselling and Psychotherapy (BACP) "உளவளத்துணை என்பது நம்பிக்கைக்குரிய மற்றும் நோக்கமுடைய உறவில், நபர் ஒருவர் தம்மைப் பற்றி உணர்வு, சிந்தனை, நடத்தை முறைகளை ஆராய, புரிந்துகொள்ள, மற்றும் நேர்மறையான மாற்றங்களை ஏற்படுத்த உதவும் உளவியல் சார்ந்த செயல் முறையாகும்" என வரையறுத்துள்ளது. இங்கு குறித்த நபர் தனது பிரச்சினைக்குத் தானாகத் தீர்வு கண்டறிவதற்கான ஒரு வழிகாட்டுதலே நடைபெறுகிறது. இது நபரின் வாழ்நிலை மேம்பாட்டை நோக்கமாகக் கொண்டதது. ஆரம்பக் காலம் முதலே வழிகாட்டுதல், ஆலோசனை வழங்குதல் போன்ற முறைகளில் இது மேற்கொள்ளப் பட்டது. உளவியலில் துறை இதனைத் தனது உப பிரிவாக 1945களில் உள்வாங்கிய பின்னரே உலகெங்கும் இதன் பரவல் வியாபித்தது. ஆனால், இன்றும் எமது சமூகத்தில் counselling என்று சொன்னால் "அது பைத்தியத்திற்கு வைத்தியம் செய்யும் முறை என்ற தப்பான கண்ணோட்டமே காணப்படுகிறது. இந்த நிலை மாறினால் எமது மக்களும் உள நன் நிலையுடன் நீண்ட காலம் மகிழ்வுடன் வாழலாம்."

உளவளத்துணையானது, பல உப பிரிவுகளாகப் பிரிந்து தன் சேவையை மக்களுக்கு வழங்குகிறது. அவற்றுள் தனிநபர் உளவளத்துணை. திருமணத்திற்கு முன்னரான உளவளத்துணை, குடும்ப உளவளத்துணை, கல்வி உளவளத்துணை, தொழில்முறை உளவளத்துணை என்பன குறிப்பிட்டத்தக்கவையாகும். இதில் திருமணத்திற்கு முந்தைய உளவளத்துணை என்பது திருமண வாழ்வில் இணைந்து கொள்வதற்கு முன்னராக தம்பதியினர் இருவரும் தங்களது எதிர்கால வாழ்வினை எவ்வாறு திட்டமிட்டுக் கொள்வது, திருமண வாழ்வில் காணப்படுகின்ற சவால்களை எவ்வாறு வெற்றிகரமாக எதிர்கொள்வது, மகிழ்ச்சிகரமானதும் திருப்திகரமானதும் நிலையானதுமானதோர் குடும்ப வாழ்வினை எவ்வாறு திட்டமிட்டுக் கொள்வது என்பன பற்றிய ஒரு சிறந்த வழிகாட்டலினை வழங்கும் செயற்பாடு ஆகும். இதனை American Association for Marriage and Family Therapy (AAMFT) யானது "திருமணத்திற்கு முன்னரான உளவளத்துணை என்பது, ஒரு ஜோடி திருமண வாழ்க்கைக்குத் தயாராகுவதற்காக வழங்கப்படும் உளவியல் ஆலோசனை ஆகும்.