ઈન્ડિગોની ૩૫૦ ફ્લાઈટ્સ આજે પણ કેન્સલઃ યાત્રીઓ હેરાનપરેશાન, લખનૌ એરપોર્ટ પર પ્રવાસીની તબિયત લથડતાં મોત

દિલ્હી એરપોર્ટ પર ૧૩૪ અને બેંગલુરુ એરપોર્ટ પર ૧૨૭ ફ્લાઈટ રદ

- 

દેશભરનાં ઘણાં એરપોર્ટ પર ઇન્ડિગોની ફ્લાઇટ્સ સામાન્ય થઈ શકી નથી, જેના કારણે વિલંબ અને કેન્સલેશનનો સિલસિલો પૂરો થઈ રહ્યો નથી. સતત સાતમા દિવસે પણ મોટા પાયે ફ્લાઇટ્સ રદ થવાના બનાવો ચાલુ રહ્યા છે, જેના કારણે ઇન્ડિગોના મુસાફરો મુખ્ય એરપોર્ટ પર અટવાઈ ગયા છે. ભારતમાં હવાઈ મુસાફરીના ઇતિહાસમાં આટલી મોટી કટોકટી પહેલાં ક્યારેય જોવા મળી નથી.

આજે વિવિધ એરપોર્ટ પર ઇન્ડિગોની લગભગ ૩૫૦ ફ્લાઇટ્સ રદ કરવામાં આવી હતી. દિલ્હી એરપોર્ટ પર ૧૩૪ ફ્લાઇટ્સ (૭૫ ડિપાર્ચર અને ૫૯ અરાઈવલ) રદ કરવામાં આવી હતી. બેંગલુરુ એરપોર્ટ ૫૨ ૧૨૭ ફ્લાઇટ્સ રદ કરવામાં આવી હતી. અમદાવાદમાં ૨૦ ફલાઇટ્સ ૨દ કરવામાં આવી હતી અને વિશાખાપટ્ટનમમાં સાત ફ્લાઇટ્સ રદ કરવામાં આવી હતી. મુંબઈ અને કોલકાતા સહિતનાં મુખ્ય એરપોર્ટ પર ભારે અવ્યવસ્થા જોવા મળી હતી. સવારના ૯.૩૦ વાગ્યા સુધીમાં કુલ ૨૮૯ ફલાઇટ્સ રદ થવાની પુષ્ટિ કરવામાં આવી હતી.

દેશની સૌથી મોટી એરલાઇન્સે ગઈ કાલે ૬૫૦થી વધુ લાઇટ્સ રદ કરી હતી, જોકે આ સંખ્યા બે દિવસ પહેલાં ૧૦૦૦થી વધુ હતી.