વગર આમંત્રણે લગ્ન પ્રસંગમાં પહોંચી જતા મફતિયા ખાઉધરાઓની હવે ખેર નહીં રહે

યજમાનો અને વાડી, પાર્ટી પ્લોટ-હોલના સંચાલકો સજાગ બન્યાઃ બિનઆમંત્રિતો સામે કડક પગલાં લેવાશે

- 

અમદાવાદ સહિત રાજ્યભરમાં હવે માંગલિક પ્રસંગોની ભરમાર જામી રહી છે. ચાતુર્માસ દરમિયાન બંધ રહેલાં તમામ માંગલિક કાર્યોનાં હાલમાં ઉત્સાહપૂર્વક આયોજન થઈ ચૂક્યાં છે. લગ્નસરાની મોસમ પુરબહારમાં ખીલી ઊઠી છે. નવેમ્બર-ડિસેમ્બર મહિના લગ્ન પ્રસંગ માટેનાં ઉત્તમ મુહૂર્ત લઈને આવ્યા છે ત્યારે આવા ભોજન સમારંભમાં વગર આમંત્રણે ઘૂસી જઈ યજમાનોને નડતરરૂપ બનતા મફતિયા લોકો પણ હવે સક્રિય બન્યા છે. ‘બેગાની શાદી મેં અબ્દુલ્લા દીવાના'ની કહેવત અનુસાર આવાં મોંઘા ભાવનાં ભોજન વગર નોતરે માણી લેવા કેટલાક લોકો સક્રિય બન્યા છે, બીજી તરફ આવા બિન બુલાયે મહેમાનો માટે યજમાનો અને વાડી, પાર્ટી પ્લોટ-હોલના સંચાલકો પણ હવે સજાગ બન્યા છે. આથી જેવા આવા ખાઉધરા મફતિયા બિનઆમંત્રિતો દેખાશે કે તરત જ તેમને ઝડપી લેવાશે અને પોલીસને સોંપી દેવાશે. આથી હવે ચેતી જજો. મતિયું ખાવાનું બહુ મોંઘુ પડી શકે છે.