માત્ર પાંચ હજારની લાલચમાં બેન્ક એકાઉન્ટ ભાડે આપતા ૧૫થી વધુ લોકો સામે ફરિયાદ

મ્યૂલ એકાઉન્ટની માયાજાળ પર તવાઈ અમદાવાદ ક્રાઈમ બ્રાંચ, ઈઓડબ્લ્યુ, સ્થાનિક પોલીસ સ્ટેશનમાં બેન્ક હોલ્ડર સહિતના લોકો વિરુદ્ધ ફરિયાદ નોંધાવવાનું શરૂ

- 

વિદેશમાં બેસીને સાયબર ક્રાઈમની ઘટનાને અંજામ આપતી ચાઈનીઝ ગેંગે બેન્ક હોલ્ડર પોતાનું નેટવર્ક દેશમાં એવી રીતે ગોઠવી દીધું છે કે તેમના સુધી પહોંચવાનું એજન્સીઓ માટે લોઢાના ચણા ચાવવા સમાન બની ગયું છે. ચાઈનીઝ ગેંગે દેશના ખૂણે-ખૂણે એજન્ટ બનાવી દીધા છે, જે આર્થિક રીતે પછાત લોકોને રૂપિયાની લાલચ આપીને તેમનાં બેન્ક એકાઉન્ટ ખોલાવી દેતા હોય છે. પોલીસ દ્વારા ખાસ ડ્રાઈવ શરૂ કરાઈ છે, જેમાં બે દિવસમાં ૧૫થી વધુ ગુના શહેરનાં વિવિધ પોલીસ સ્ટેશનમાં નોંધાયા છે. આવા બેન્ક એકાઉન્ટને સ્કૂલ એકાઉન્ટ પણ કહેવામાં આવે છે, જે સાયબર ગઠિયાઓ રૂપિયાની હેરફેર કરવા માટે વાપરી રહ્યા છે. તેઓ બેન્ક હોલ્ડર્સને પાંચથી દસ હજારના કમિશનની લાલચ આપીને રૂપિયાનાં ટ્રાન્ઝેક્શન માટે તૈયાર કરી દેતા હોય છે.

ચાઈનીઝ ગેંગથી બેન્ક હોલ્ડર સુધીનો પર્દાફાશ થશે |