અમદાવાદ સહિત રાજ્યમાં ધોરણ-૧૨ સાયન્સની પ્રેક્ટિકલ પરીક્ષાનો પ્રારંભ

વિધાર્થીઓને પરીક્ષા કેન્દ્ર પર ગુલાબ આપી અને મોં મીઠું કરાવી પ્રવેશ આપવામાં આવ્યો

- 

અમદાવાદ સહિત રાજ્યભરમાં ધોરણ-૧૨ વિજ્ઞાન પ્રવાહની ફાઈનલ પરીક્ષા પહેલાંનું પગથિયું ગણાતી પ્રેક્ટિકલ પરીક્ષાનો આજથી પ્રારંભ થયો છે. પ્રેક્ટિકલ પરીક્ષા અને વાર્ષિક થિયરી પરીક્ષાનું પરિણામ વિદ્યાર્થીઓનાં ભાવિ નક્કી કરશે. પ્રેક્ટિકલ પરીક્ષામાં ફિઝિક્સ, બાયોલોજી અને કેમિસ્ટ્રીની પ્રેક્ટિકલ પરીક્ષા લેવામાં આવશે.

ધોરણ-૧૨ વિજ્ઞાન પ્રવાહમાં ૧૨ લાખથી વધુ નિયમિત વિદ્યાર્થીઓ તો ૧.૧૫ લાખથી વધુ રિપીટર વિદ્યાર્થીઓ પરીક્ષા આપશે. શાળાઓએ ૨૧ ફેબ્રુઆરી સુધીમાં શિક્ષણ બોર્ડને પ્રેક્ટિકલ પરિણામ ઓનલાઈન સબમિટ કરવાનું રહેશે.

પ્રાયોગિક પરીક્ષા માટે વિદ્યાર્થીઓને પરીક્ષા કેન્દ્ર પર ગુલાબ આપી અને મોં મીઠું કરાવીને પ્રવેશ આપવામાં આવ્યો હતો. પ્રેક્ટિકલ પરીક્ષામાં હકારાત્મક વાતાવરણ ઊભું કરવાના પ્રયાસ સાથે વિદ્યાર્થીઓને આવકારવામાં આવ્યા હતા.