படகுகள் மீதான அமெரிக்க தாக்குதல் சட்டவிரோத படுகொலை: ஐ.நா.

தங்கள் நாட்டுக்குள் போதைப் பொருள்களை ஏற்றிவருவதாகக் கூறி, கரீபியன் தென் அமெரிக்க பகுதிகளில் இருந்து கரீபியன் மற்றும் பசிபிக் கடல் வழியாக வரும் படகுகள் (படம்) மீது அமெரிக்கா தாக்குதல் நடத்துவது சட்டவிரோத மனிதப் படுகொலைகள் என்று ஐ.நா. கண்டனம் தெரிவித்துள்ளது.

- 

இது குறித்து ஐ.நா. மனித உரிமைகள் ஆணைய செய்தித் தொடர்பாளர் ரவீனா ஷம்தாஸானி வெள்ளிக்கிழமை கூறியதாவது:

தென் அமெரிக்க பிராந்தியத்தில் படகுகள் மீது அமெரிக்கா நடத்திய தாக்குதலில் 60-க்கும் மேற்பட்டவர்கள் உயிரிழந்ததாகக் கூறப்படுவது குறித்து விசாரணை நடத்த ஐ.நா. மனித உரிமை ஆணையர் வோல்கர் துர்க் உத்தரவிட்டுள்ளார்.