ஆதார், வாக்காளர், குடும்ப அட்டைகள் நம்பகமான ஆவணங்கள் அல்ல!

ஆதார், வாக்காளர் மற்றும் குடும்ப அட்டைகள் நம்பகமான ஆவணங்கள் அல்ல என்று உச்சநீதிமன்றத்தில் தேர்தல் ஆணையம் தெரிவித்துள்ளது.

- 

புது தில்லி, ஜூலை 22:

பிகாரில் வாக்காளர் பட்டியல் சிறப்பு தீவிர திருத்தப் பணிகளுக்கு எதிரான வழக்கில், அந்தப் பணிகளின்போது வாக்காளர் பதிவுக்கு ஆதார், வாக்காளர் மற்றும் குடும்ப அட்டைகளையும் பயன்படுத்துவது குறித்து தேர்தல் ஆணையம் பரிசீலிக்க வேண்டும் என்று உச்சநீதிமன்றம் பரிந்துரைத்த நிலையில், தேர்தல் ஆணையம் இவ்வாறு தெரிவித்துள்ளது.

நிகழாண்டு நடைபெறும் பிகார் பேரவைத் தேர்தலை முன்னிட்டு, தேர்தல் ஆணையம் மாநிலத்தில் வாக்காளர் பட்டியல் சிறப்பு தீவிர திருத்தப் பணிகள் மேற்கொள்ளப்படுகின்றன. இந்தப் பணிகளின் கீழ் அந்த மாநிலத்தில் 2003-ஆம் ஆண்டுக்குப் பின்னர், வாக்காளராகப் பதிவு செய்துகொண்டவர்கள், தாங்கள் இந்தியர்கள் என்பதை நிரூபிக்க பிறப்புச் சான்றிதழ், கடவுச்சீட்டு (பாஸ்போர்ட்) நகல் போன்ற கூடுதல் ஆவணங்களைச் சமர்ப்பிக்க வேண்டும்.