சிறப்பு நீதிமன்றங்களை அமைக்காவிட்டால் கைதிகளை விடுவிக்க நேரிடும்: உச்சநீதிமன்றம்

தேசிய புலனாய்வு முகமை (என்ஐஏ), சட்ட விரோதச் செயல்கள் தடுப்புச் சட்டம் (யுஏபிஏ) போன்ற சிறப்புச் சட்டங்களின் கீழ் பதிவு செய்யப்பட்ட வழக்குகளை விசாரிக்க சிறப்பு நீதிமன்றங்களை அமைக்காவிட்டால், அந்தச் சட்டங்களின் கீழ் கைதானோருக்கு நீதிமன்றங்கள் ஜாமீன் வழங்க வேண்டிய கட்டாயம் ஏற்படும் என்று உச்சநீதிமன்றம் வெள்ளிக்கிழமை தெரிவித்தது.

- 

புது தில்லி, ஜூலை 18:

கடந்த 2019-ஆம் ஆண்டு மகாராஷ்டிர மாநிலம், கட்சிரோலி மாவட்டத்தில் நக்ஸல்கள் நிகழ்த்திய கண்ணிவெடி தாக்குதலில், மாநில காவல் துறையின் விரைவுப் படையைச் சேர்ந்த 15 பேர் உயிரிழந்தனர். இந்த சம்பவத்தைத் தொடர்ந்து கைலாஷ் ராம்சந்தானி என்ற நக்ஸல் ஆதரவாளர் கைது செய்யப்பட்டார்.

இந்த வழக்கு விசாரணை மாநில காவல் துறையிடம் இருந்து பின்னர் என்ஐஏவுக்கு மாற்றப்பட்டது.