திமுக ஆட்சியிலும் தொழிலாளர்களுக்கு உரிய பணப்பலன்கள் கிடைக்கவில்லை

தமிழகத்தில் கடந்த அதிமுக ஆட்சியைப் போலவே திமுக ஆட்சியிலும் அரசு போக்குவரத்துக் கழக தொழிலாளர்களுக்கு உரிய பணப்பலன்கள் வழங்கப்படவில்லை என சிஐடியு மாநிலத் தலைவர் அ. சௌந்தரராஜன் தெரிவித்தார்.

- 

தருமபுரி, ஜூலை 18:

சிஐடியு 16 ஆவது மாநில மாநாடு தொடர்பான சிறப்பு பேரவைக் கூட்டம் தருமபுரியில் வெள்ளிக்கிழமை நடைபெற்றது. கூட்டத்தில் கலந்துகொண்ட பிறகு செய்தியாளர்களிடம் அ.சௌந்தரராஜன் கூறியதாவது:

தமிழ்நாடு அரசு போக்குவரத்து கழக ஊழியர் சம்மேளனம், சிஐடியு போக்குவரத்து தொழிற் சங்க அமைப்பின் 16 ஆவது மாநில மாநாடு ஆகஸ்ட் 5, 6, 7 தேதிகளில் தருமபுரியில் நடைபெறுகிறது. இதில் ஆகஸ்ட் 7 ஆம் தேதி நடத்தப்படும் செஞ்சட்டை பேரணியில் தமிழகம் முழுவதுமிருந்து ஏராளமான தொழிலாளர்கள் தங்கள் குடும்பத்துடன் பங்கேற்கின்றனர். அதன்பிறகு தொழிலாளர்கள் பிரச்னைகள் தொடர்பான முக்கிய முடிவுகளை எடுக்கவுள்ளோம். அண்மைக்காலமாக போக்குவரத்துக் கழகங்களில் பல்வேறு பணிகள் தனியார் மயப்படுத்தப்படுகின்றன.