ஏ.ஐ. தவறான பயன்பாட்டைத் தடுக்க உலகளாவிய ஒப்பந்தம்

ஜி20 உச்சிமாநாட்டில் பிரதமர் மோடி வலியுறுத்தல்

- 

செயற்கை நுண்ணறிவு (ஏ.ஐ.) தொழில்நுட்பம் தவறாகப் பயன்படுத்தப்படுவதைத் தடுக்க உலகளாவிய ஒப்பந்தம் அவசியம் என்று ஜி20 உச்சிமாநாட்டில் பிரதமர் நரேந்திர மோடி வலியுறுத்தினார்.

மேலும், முக்கிய தொழில்நுட்பங்கள் அனைத்தும் நிதி ரீதியில் அல்லாமல் மக்கள் நலனை மையமாகக் கொண்டிருக்க வேண்டும் என்றும் அவர் தெரிவித்தார்.

இந்தியா, அமெரிக்கா, ரஷியா, சீனா, பிரான்ஸ், ஜப்பான் உள்ளிட்ட உலகின் வளர்ந்த-வளரும் நாடுகளை உள்ளடக்கிய ஜி20 கூட்டமைப்பின் உச்சிமாநாடு, தென்னாப்பிரிக்காவின் ஜோஹன்னஸ்பர்க் நகரில் கடந்த 2 நாள்கள் நடைபெற்றது. இம்மாநாட்டில் பிரதமர் மோடி உள்பட சுமார் 40 நாடுகளின் தலைவர்கள் பங்கேற்றனர்.