குவைத் வங்கியில் கடன் மோசடி: 13 கேரள செவிலியர்கள் மீது வழக்கு

குவைத்தில் பணியாற்றியபோது அங்குள்ள அல் அஹ்லி வங்கியில் கடன் பெற்று திரும்பச் செலுத்தாமல் மோசடி செய்தது தொடர்பாக கேரளத்தைச் சேர்ந்த 13 செவிலியர்கள் மீது அந்த மாநில காவல் துறையினர் வழக்குப் பதிவு செய்துள்ளனர்.

- 

வங்கி சார்பில் அளிக்கப்பட்ட புகாரின் அடிப்படையில் இந்த நடவடிக்கை எடுக்கப்பட்டுள்ளது.

வளைகுடா நாடுகளில் பணியாற்றிய கேரளத்தைச் சேர்ந்த பலர் அந்நாட்டு வங்கிகளின் கடன் பெற்றுவிட்டு அதனை வேண்டுமென்றே திரும்பச் செலுத்தாமல் நாடு திரும்புவது தொடர்பான புகார்கள் கடந்த சில ஆண்டுகளாக அதிகரித்து வருகின்றன. கடந்த 2024-ஆம் ஆண்டு குவைத் வங்கிகளில் ரூ.700 கோடி வரை கடன் பெற்றுவிட்டு அதனைத் திருப்பிச் செலுத்தாத கேரளத்தைச் சேர்ந்த சுமார் 1,400 பேர் மீது வழக்குப்பதிவு செய்யப்பட்டது.