தேசிய திரைப்பட விருதுகளை வழங்கினார் குடியரசுத் தலைவர்

தில்லியில் 71-ஆவது தேசிய திரைப்பட விருதுகள் வழங்கும் விழா செவ்வாய்க்கிழமை நடைபெற்றது. குடியரசுத் தலைவர் திரௌபதி முர்மு விருதுகளை வழங்கி கௌரவித்தார்.

- 

2023-ஆம் ஆண்டுக்கான தேசிய திரைப்பட விருதுகள், கடந்த ஆகஸ்டில் அறிவிக்கப்பட்டன. சிறந்த திரைப்படம், நடிகர், நடிகை, குழந்தை நட்சத்திரம், இயக்குநர், இசையமைப்பாளர், பாடகர், பாடகி, துணை நடிகர், துணை நடிகை, பாடலாசிரியர், நடனக் கலைஞர் என பல்வேறு பிரிவுகளில் விருதாளர்கள் தேர்வு செய்யப்பட்டனர்.

சிறந்த நடிகர் விருதுக்கு இயக்குநர் அட்லி இயக்கிய 'ஜவான்' திரைப்படத்தில் நடித்த ஷாரூக் கான், '12-ஆவது ஃபெயில்' திரைப்படத்தில் நடித்த விக்ராந்த் மாசே ஆகிய இருவரும், சிறந்த நடிகை விருதுக்கு 'மிஸஸ் சாட்டர்ஜி வெர்சஸ் நார்வே' திரைப்படத்தில் நடித்த ராணி முகர்ஜியும் தேர்வாகினர். சிறந்த திரைப்படமாக '12-ஆவது ஃபெயில்' தேர்வு செய்யப்பட்டது. 'தி கேரளா ஸ்டோரி' படத்துக்காக சிறந்த இயக்குநர் விருது சுதிப்தோ சென்னுக்கு அறிவிக்கப்பட்டது.