டிரம்ப் - ரஷியா இடையே வலுக்கும் வாக்குவாதப் போர்

உக்ரைன் போர் தொடர்பாக அமெரிக்க அதிபர் டொனால்ட் டிரம்ப்புக்கும் ரஷியாவுக்கும் இடையே வார்த்தைப் போர் வலுத்துவருகிறது.

- 

வாஷிங்டன் / மாஸ்கோ, மே 28:

கடந்த 2022-இல் தொடங்கிய ரஷியா - உக்ரைன் போரில் அப்போதைய அதிபர் ஜோ பைடன் தலைமையிலான அமெரிக்க அரசு உக்ரைனுக்கு மிகப் பெரிய அளவில் ராணுவ உதவிகளை அளித்தது.

ஆனால், பைடனுக்குப் பிறகு அமெரிக்க அதிபராகப் பொறுப்பேற்ற டிரம்ப் இந்த நிலைப்பாட்டுக்கு மாறாக ரஷியாவுக்கு ஆதரவான கருத்துகளைக் கூறிவந்தார்.

போரை முடிவுக்குக் கொண்டுவருவதற்காக தீவிர முயற்சி மேற்கொண்டுவரும் நிலையிலும் உக்ரைன் மீது ரஷியா தொடர்ந்து தாக்குதல் நடத்திவருகிறது.