மீண்டும் இணையும் ராஜ்-உத்தவ் தாக்கரே?

மகாராஷ்டிர அரசியல் களத்தில் பரபரப்பு

- 

மகாராஷ்டிர நவநிர்மாண் சேனை தலைவர் ராஜ் தாக்கரேயும் சிவசேனை (உத்தவ் பிரிவு) கட்சியின் தலைவர் உத்தவ் தாக்கரேயும் மீண்டும் இணைவதற்கான வாய்ப்புகள் அதிகரித்திருப்பதால் மகாராஷ்டிர அரசியல் களத்தில் பரபரப்பு ஏற்பட்டுள்ளது.

மகாராஷ்டிரத்தில் தேசிய கல்விக் கொள்கையின்கீழ் 1 முதல் 5-ஆம் வகுப்பு வரை மூன்றாவது மொழிப் பாடமாக ஹிந்தியை கட்டாயமாக்க மாநில அரசு முடிவு செய்துள்ளதற்கு ராஜ் தாக்கரேயும் உத்தவ் தாக்கரேயும் கடும் எதிர்ப்பு தெரிவித்து வருகின்றனர்.

இந்நிலையில், மகாராஷ்டிர நலனுக்கு முக்கியத்துவம் அளிப்பவர்கள் தங்களுக்குள்ளான பிரச்னைகளை ஒதுக்கிவைத்துவிட்டு, ஓரணியில் திரள வேண்டும் என இருவரும் தனித்தனியே சனிக்கிழமை தெரிவித்தனர். இதையடுத்து, இருவரும் விரைவில் மீண்டும் இணைய வார்கள் என்ற எதிர்பார்ப்பு மகாராஷ்டிர அரசியல் வட்டாரத்தில் அதிகரித்துள்ளது.