பெண்களுக்கு அதிகாரமளிப்பதில் தமிழகம் முன்னேற்றம்

பெண்களுக்கு அதிகாரம் அளிக்கும் நடவடிக்கைகளில் தமிழகம் முன்னேற்றப் பாதையில் சென்று கொண்டிருப்பதாக முதல்வர் மு.க.ஸ்டாலின் தெரிவித்தார்.

- முதல்வர் மு.க.ஸ்டாலின்

மக்கள் நல்வாழ்வுத் துறை அமைச்சர் மா.சுப்பிரமணியன் ஏற்பாட்டில், சென்னை சைதாப்பேட்டையில் புதிதாக அமைக்கப்பட்ட கலைஞர் மகளிர் திறன் மேம்பாட்டு மையத்தை முதல்வர் மு.க.ஸ்டாலின் வியாழக்கிழமை தொடங்கி வைத்தார். நிகழ்ச்சியில் முதல்வர் பேசியதாவது:

பெண்களுடைய உரிமைகளுக்காகவும், அவர்களுடைய முன்னேற்றத்துக்காகவும் ஏராளமான திட்டங்களை முந்தைய திமுக அரசு நிறைவேற்றியிருக்கிறது. அதைத் தொடர்ந்து, தற்போதைய திமுக அரசும் பெரியார், அண்ணா, கருணாநிதி வழியில் பல்வேறு திட்டங்களை நிறைவேற்றிக் கொண்டிருக்கிறது.