'செட்' தேர்வு டிஆர்பி மூலமே நடத்தப்படும்

மாநில தகுதித் தேர்வு (செட்) நடத்துவதற்கான போதுமான நிர்வாக மற்றும் உள்கட்டமைப்பு வசதிகளை ஆசிரியர் தேர்வு வாரியம் (டிஆர்பி) கொண்டுள்ளது என்றும், பல்கலைக்கழக பேராசிரியர்களின் பங்களிப்புடன் மாநில தகுதித் தேர்வு நடத்தப்படும் என்றும் தமிழக உயர்கல்வித் துறை அமைச்சர் கோவி.செழியன் தெரிவித்துள்ளார்.

- 

இது தொடர்பாக அவர் செவ்வாய்க்கிழமை வெளியிட்ட அறிக்கையில் கூறியிருப்பதாவது: 2011- ஆம் ஆண்டுமுதல் தமிழ்நாடு ஆசிரியர் தேர்வு வாரியம் ஆசிரியர் தகுதித் தேர்வு நடத்தும் முகவாண்மை நிறுவனமாக (Nodal Agency) அரசால் நியமிக்கப்பட்டு, தேர்வுகள் நடத்தப்பட்டு வருகின்றன. அதோடு 2023-இல் தமிழ்நாடு ஆசிரியர் தேர்வு வாரியம் மறுசீரமைக்கப்பட்டு தமிழக அரசின் பல்வேறு கல்வி நிறுவனங்கள் மற்றும் பல்கலைக்கழக ஆசிரியர் பணியாளர்களை ஆசிரியர் தேர்வு வாரியம் மூலம் தெரிவு செய்யவும் ஆணையிடப்பட்டுள்ளது.