தஞ்சை தமிழ்ப் பல்கலை.க்கு ராஜராஜ சோழன் பெயர் சூட்ட வேண்டும்

தஞ்சை தமிழ்ப் பல்கலைக்கழகத்துக்கு ராஜராஜ சோழன் பெயர் சூட்ட வேண்டும் என சனிக்கிழமை நடைபெற்ற சதய விழாவில் பேசிய சென்னை உயர் நீதிமன்ற நீதிபதி ஆர். சுரேஷ்குமார் வலியுறுத்தினார்.

- 

தஞ்சாவூர் பெரிய கோயிலில் சனிக்கிழமை நடைபெற்ற மாமன்னன் ராஜராஜசோழன் 1039-ஆவது சதய விழாவின் தொடக்க நிகழ்வுக்கு மாவட்ட ஆட்சியர் பிரியங்கா பங்கஜம் தலைமை வகித்தார்.

விழாவில், நீதிபதி ஆர். சுரேஷ்குமார் சிறப்புரையாற்றினார். அவர் பேசியதாவது: இந்தச் சோழ மண்டலத்தின் சக்கரவர்த்தியாக ராஜராஜசோழன் கி.பி. 985 ஆம் ஆண்டு பொறுப்பேற்ற நாளிலிருந்துதான், தற்போது 1039-ஆவது சதய விழா கணக்கிடப்பட்டுள்ளது.