ரஷியாவிடம் வீழும் மேலும் ஓர் உக்ரைன் நகரம்

கிழக்கு உக்ரைனின் போர்முனை நகரமான வூலெடாரிலிருந்து பின்வாங்க உக்ரைன் ராணுவம் முடிவு செய்துள்ளதையடுத்து, அந்த நகரமும் ரஷியாவிடம் வீழும் நிலை ஏற்பட்டுள்ளது.

- 

மலையுச்சியில் அமைந்துள்ள ராணுவ முக்கியத்துவம் வாய்ந்த அந்த நகரைப் பாதுகாக்க கடந்த இரண்டு ஆண்டுகளுக்கும் மேல் ரஷிய ராணுவத்துடன் உக்ரைன் படையினர் மிகக் கடுமையாக சண்டையிட்டுவருகின்றனர்.

இருந்தாலும், கடுமையான கோடைக் காலப் போருக்குப் பிறகு கிழக்கு உக்ரைனில் பல்லாயிரக்கணக்கான சதுர கி.மீ. நிலப்பரப்பை ரஷியாவிடம் விட்டுக்கொடுத்து உக்ரைன் ராணுவம் பின்வாங்கி வரும் நிலையில், வூலெடாரிலிருந்தும் வெளியேற அங்குள்ள படைப் பிரிவினருக்கு உத்தரவிடப்பட்டுள்ளது.