'EK DOEN HIERDIE VIR MY MAMMIE'

Jong sokkerspeler (18) van Delft sterk oppad na toernooi in Eswatini

- FRANSCISKA SWARTS

TUSSEN die skote van Delft, waar gangsterism dikwels drome steel, pak sy haar tasse en vlieg landuit. Zoë October van Hoërskool Rosendal maak gereed om in die Fifa Women's World Cup, vanaf 19 September, in Eswatini te gaan speel.

Zoë (18), wat vir Suid-Afrika se onder 20-span speel, sê sy doen dit nie net vir haar skool en Delft as geheel nie, maar ook vir haar mammie wat sy aan die koue hand van die dood afgestaan het.

Sy sê: “Ek doen hierdie vir almal wat opkyk na my, maar die meeste vir my ma.”

Zoë was 14 jaar oud toe haar ma aan kanker dood is - en sy het die tyding gekry terwyl sy nog besig was om 'n wedstryd te speel.

“Toe my meneer die nuus van my ma se sterfte aan my kom gee, wou ek die wedstryd klaar speel in remembrance vir haar. My ma was my grootste ondersteuner,”

Sy het die seer egter nie vir lank die oorhand laat kry nie. Dié jongmeisie het eerder haar omstandighede as 'n footprint gebruik om groter dinge aan te pak.