నాన్నకు ప్రేమతో....

'విడదల సాంబశివరావు గారు' ఈ పేరు వింటే పుడమి తల్లి.

- పింగళి భాగ్యలక్ష్మి, కాలమిస్టు రచయిత్రి, 9704725609

“నాన్నకు ప్రేమతో...” 'విడదల సాంబశివరావు గారు' ఈ పేరు వింటే పుడమి తల్లి.

ఆనందంతో పులకరించిపోతుంది. పచ్చని పంట పొలాలు సైతం తమ కొమ్మలు, రెమ్మలతో పిల్లగాలుల్ని మరింత స్వచ్ఛందంగా ప్రసరింపజేస్తాయి. గాన కోకిల కోయిలమ్మ తన కుహు కుహు రాగాల్ని మరింత అందంగా విరబూయిస్తుంది. పక్షులు తమ కిలకిల రావములతో ఆనందాన్ని వ్యక్తం చేస్తాయి. ఎక్కడో ముడుచుకొని ఉన్న నాట్య మయూరి నెమలి సైతం పురివిప్పి సోయగాలు పోతూ నాట్యం చేస్తూ తన సంతోషాన్ని వ్యక్తం చేస్తుంది. పూలచెట్లు సైతం సుగంధ పరిమళాల్ని వెదజల్లుతాయి. కాంతులీనే నక్షత్రాలు సైతం వేయి వెలుగుల కాంతుల్ని విరజిమ్ముతూ అందమైన మామ చందమామతో పోటీ పడుతూ తమ జిలుగు వెలుగులతో రాత్రిని కూడా పగలుగా మలుస్తాయి. ఇలా ప్రకృతిని, పంచభూతాల్ని సైతం పులకరింపజేస్తూ, బంతులు వెదజల్లుతూ కళా రంగము, రచనలు, సేవాభావము ఈ త్రిమూర్తుల్ని(కళల్ని) ఊపిరిగా నింపుకొని గగనతలంనుండి భూమాత పొత్తిళ్ళలో ఒదిగిన దేవపుత్రుడు, మానవతావాది, భారత మాత ముద్దుబిడ్డ మన విడుదల సాంబశివరావు గారు. మానవతకు మకటమిడిన ఈ ప్రజ్ఞాశాలి ఉ మ్మడి గుంటూరు జిల్లాకే తలమానికమైన చిలకలూరిపేటలోని పురుషోత్తమ పట్టణంలో విడదల రాములు, సీతమ్మ పుణ్య దంపతులు ఇంట తెలుగు కళామతల్లి ముద్దుబిడ్డగా జన్మించారు.

వీరు చిన్నతనం నుంచి ఎంతో ఉత్సాహంగా, ఉల్లాసంగా చురుగ్గా ఉ ౦డేవారు. ఈ సరస్వతీమాత వరాల పుత్రుడు హైస్కూల్ విద్యను పురుషోత్తమ పట్టణంలో చదివారు. చదువులో కూడా ఎప్పుడూ క్లాసులో ఫస్ట్ వస్తుండేవారు. ఆ తరువాత బి. ఎస్.సి. తెనాలి వి.ఎస్.ఆర్. కాలేజీలో అభ్యసించి అత్యధిక మార్కులతో ఉ త్తీర్ణులయ్యారు. సాంబశివరావు గారు చిన్నతనం నుంచి నటనపై మక్కువ చూపేవారు. స్కూల్లో చదువుతున్నప్పటి నుంచే చిన్న చిన్న నాటకాలు వేసేవారు. 16 సంవత్సరాల వయసులోనే "బాలచంద్రుడు" ఏకపాత్రాభినయం వేసి ప్రేక్షకులందరిచేత సెహబాష్ అనిపించుకున్నారు. 18 సంవత్సరాల అతి చిన్న వయసులోనే ప్రముఖ ఆంగ్ల రచయిత 'షేక్స్పియర్' రాసిన “జూలియస్ సీజర్” నాటకంలో ఉత్తమోత్తమమైన 'మార్క్ ఆంటోనీ' పాత్రను న్యూఢిల్లీలో రవీంద్ర భవన్ లో వేసి ప్రేక్షకుల నీరాజనాలందుకోవడమే కాకుండా ఈ పాత్ర విడుద వారి నట జీవితంలో ఓ మైలురాయిగా నిలిచిపోయింది.