విజనరీ ఫిల్మ్ మేకర్ మేధావి శ్యామ్ బెనగళ్

సమాంతర సినిమాకు నిజమైన మార్గదర్శకుడు, ఆలోచింపజేసే కథ, కథనాలు, సామాజిక సమస్యలతో సినిమాల ద్వారా చిత్ర పరిశ్రమపై తనదైన ముద్ర వేసిన శ్యామ్ బెనగళ్ గారి మరణంతో భారతీయ సినిమా, టెలివిజన్ రంగాల ని ఓ సువర్ణాధ్యాయం ముగిసిపోయింది.

- - బుగ్గన మధుసూదనరెడ్డి, 9000369660

సమాంతర సినిమాకు నిజమైన మార్గదర్శకుడు, ఆలోచింపజేసే కథ, కథనాలు, సామాజిక సమస్యలతో సినిమాల ద్వారా చిత్ర పరిశ్రమపై తనదైన ముద్ర వేసిన శ్యామ్ బెనగళ్ గారి మరణంతో భారతీయ సినిమా, టెలివిజన్ రంగాల ని ఓ సువర్ణాధ్యాయం ముగిసిపోయింది. ముఖ్యంగా సినిమాయే శ్వాస, నిశ్వాసగా జీవించిన ఈ శ్యామ్ బెనగళ్ గారి సినిమా ప్రయాణం చాలా అద్భుతం గా సాగింది అని నిస్సందేహంగా చెప్పవచ్చు. ఒక విధంగా సామాజిక అంశాలపై అంకితభావంతో ఆయన చేసిన సినిమాలు భావితరాలకు సైతం ఓక గొప్ప ప్రేరణగా నిలుస్తాయి అనడంలో ఎలాంటి సందేహానికి తావు లేదు. అంతేకాదు భారతీయ సినిమా భాషా బేధాలు లేకుండా కమర్షియల్ సిని మాల ప్రవాహానికి కొట్టుకుపోతున్న రోజుల్లో ఆ ప్రవాహానికి ఎదురీదిన వాడు, సమాంతర (పారలల్ ) సినిమాకి ఊపిరిపోసిన వాడు ఈ శ్యామ్ బెనగళ్ గారు. ఈయన అసలు పేరు బెనగళ్ల శ్యామ్ సుందరరావు, సికింద్రాబాద్ లో డిసెంబర్ 14,1934న జన్మించారు, ఇక ఆ మహానుభావుడు సరిగ్గా 90 సంవత్సరాల 9 రోజులు ఈ భూమి మీద బతికారు అన్న మాట. ఇక తెలంగాణ విషయానికి వస్తే ఆయనకి ఊహ తెలిసేటప్పటికి ఆ ప్రాంతం అంతా ఇంకా నిజాం పాలనలోనే ఉండేది. అప్పటి దొరల దౌర్జన్యాలు,అట్టడుగు ప్రజల పట్ల పెత్తందారీతనాలు, ముఖ్యంగా మహిళల కన్నీటి కథలు,శ్యామ్ బెనగళ్ గారి గుండెలపై చెరగని జ్ఞాపకాలు అయ్యాయి. ఇక వాటిని ఆధారంగా చేసుకొనే తన సినిమాల్లో శక్తివంతమైనా మహిళ పా