పోలీసుశాఖలో ప్రమోషన్ల పండగ

ఎన్నో సంవత్సరాలుగా ప్రమోషన్ల కొరకు ఎదురుచూస్తున్న తెలంగాణా పోలీసులకు రాష్ట్ర ముఖ్యమంత్రి కల్వకుంట్లు చంద్రశేఖర్రావు పండగలాంటి వాతావరణం సృష్టించారు.

- - ఎస్.బి. ప్రఫుల్ల కుమార్

ఎన్నో సంవత్సరాలుగా ప్రమోషన్ల కొరకు ఎదురుచూస్తున్న తెలంగాణా పోలీసులకు రాష్ట్ర ముఖ్యమంత్రి కల్వకుంట్లు చంద్రశేఖర్రావు పండగలాంటి వాతావరణం సృష్టించారు. త్వరలో రానున్న శాసనసభ ఎన్నికలను దృష్టిలో ఉంచుకుని ముఖ్యమంత్రి భారీఎత్తున ఎస్.ఐ. నుండి అదనపు ఎస్.పి. వరకు ప్రమోషన్లు ఇచ్చి పండగ వాతావరణం సృష్టించారు. సబిన్సెపెక్టర్, డి.ఎస్.పి. స్థాయిలో సీనియారిటీ సమస్యను, కోర్టు కేసులను పరిష్కరించి ప్రమోషన్లు కల్పించడంతో పోలీసులు హర్షాతిరేకం వ్యక్తం చేస్తున్నారు. తమ కన్నా సర్వీసులో ఆలస్యంగా వచ్చిన హైదరాబాద్ రేంజ్ ఎస్.ఐ.లకు సి.ఐ.లకు మూడేళ్ల క్రితమే డీఎస్పీలుగా ప్రమోషన్లు వచ్చినా, వరంగల్ రేంజ్కు చెందిన తమకు ప్రమోషన్లు రాకపోవడంతో జూనియర్ల కింద పనిచేయవలసి వస్తోందని వారు ముఖ్యమంత్రి కేసీఆర్ వద్ద తమ ఆవేదనను వ్యక్తం చేస్తూ వచ్చారు.