સરળતા સાથેની કર્મઠતા

સરળતાથી સૌને મળો છોને માટે જરા મૂલ્ય ઓછું એ આંકી રહ્યા છે. પૂર્વી અપૂર્વ બ્રહ્મભટ્ટ

- હિતેન આનંદપરા

સરળતા નબળાઈ નથી અને લેખાવી પણ ન જોઈએ. ભલમનસાઈ મૂર્ખાઈ નથી અને ગણાવી પણ ન જોઈએ. સામાન્ય રીતે સરળ માણસો પ્રત્યે આપણને આદર જન્મ અથવા સહાનુભૂતિ જન્મે. હીરાવ્યવસાય ક્ષેત્રે મોટું નામ ધરાવનારા અને પદ્મશ્રી એવૉર્ડ પ્રાપ્ત કરનારા સવજી ધોળકિયાએ જળસંચય માટે ૭૫ જેટલાં સરોવર બનાવીને સજ્જ સંવેદનાનો પરિચય કરાવ્યો હતો.

આવા અનેક ઉદ્યોગપતિ છે, જેમણે લક્ષ્મીના સર્જન સાથે સામાજિક ઉત્કર્ષનો પણ મહિમા કર્યો છે. આવી વ્યક્તિ પ્રત્યે આદર થાય. બીજી તરફ ઘણા એવા સજ્જનો મળશે, જેમની પ્રતિભાનો યોગ્ય વિનિયોગ થઈ નથી શક્યો. હકદાર અને કર્મશીલ હોય છતાં વિવિધ કારણોસર આગળ આ પ્રતિભા વિસ્તરતી નથી. આવા કિસ્સામાં સહાનુભૂતિની લાગણી જન્મે.