મુખવાસ

કરોડપતિનો ‘કંગાળ’ અખતરો!

- તનીશા

અમેરિકાના એક માલેતુજાર ભાઈ માઈક બ્લૅકને કોવિડકાળમાં અચાનક ચાનક ચડી કે કોઈ ચૅલેન્જ ઉપાડીએ. એમણે તત્કાળ મિલિયન ડૉલર કમબૅક નામનો પ્રોજેક્ટ ચાલુ કર્યો. પોતાનું બૅન્ક એકાઉન્ટ ખાલી કર્યું, ઘર સાથે બધી સુખ-સાહ્યબી છોડીને ભાઈ પહોંચી ગયા ફૂટપાથ પરઃ હવે તો અહીં જ જીવવું ને અહીં જ કમાવવું.

ટાર્ગેટ હતો બાર મહિનામાં શૂન્યમાંથી એક મિલિયનનું સર્જન કરવાનો. શરૂઆતમાં માઈક કબાડીખાના પર નજર દોડાવી. ત્યાંથી લગભગ મફત મળતાં ટેબલ લાવીને વેચ્યાં, થોડી ડિલિવરી પણ કરી. ક્યારેક ટેલિમાર્કેટિંગ પણ કર્યું ને કૉફી પણ વેચી. એને એમ કે આ તો વિડિયો ગેમ છે, ચીટ કોડ નાખીશું એટલે પૈસા આવશે!