ફૅબ્રિકેશનની કૅબિનથી મેયરની ચૅમ્બર સુધીની છલાંગ.. ભરત બારડ

માતા એક મંદિર પાસે ફૂલહાર વેચે છે તો ભરત બારડ પોતે ગૅસ વેલ્ડિંગ ફૅબ્રિકેશનની નાની કૅબિન ધરાવે છે.

- 

છેલ્લા દસકામાં ભાજપ ચોંકાવનારા અને કંઈક અલગ કહી શકાય એવા નિર્ણય લેનારી પાર્ટી બની છે. મોદી હૈ તો મુકિન હૈ એવાં વાજાં સતત વગાડાય છે, પણ શું મુકિન થશે એ કોઈ કળી શકતું નથી.

રાષ્ટ્રીય સ્તરે લીધેલા અનેક નિર્ણય તથા ગુજરાતના મુખ્ય મંત્રીની પસંદગી એનાં દેખીતાં ઉદાહરણ છે. હમણાં ગુજરાતમાં મહાપાલિકાના પદાધિકારીઓની નિયુક્તિમાં પણ આવું જ જોવા મળ્યું. ભાવનગર મ્યુનિસિપલ કૉર્પોરેશનમાં આગામી અઢી વર્ષ માટે મેયરપદ ઓબીસી માટે અનામત છે. આ કૅટેગરીમાંથી મેયરપદ માટે જે નામ ચર્ચામાં હતાં એમાંથી કોઈ નહીં, પણ ઓચિંતા ભરતભાઈ બારડને ભાવનગરના પ્રથમ નાગરિક તરીકે ભાજપે ઘોષિત કર્યા. ગૅસ વેલ્ડિંગ ફૅબ્રિકેશનની નાની કૅબિન ધરાવતો એક અદનો માણસ ભાવનગર મહાનગરનો પ્રથમ નાગરિક તરીકે નિયુક્ત થયો છે.