તમારા મોબાઈલને તમે બરાબર ઓળખો છો?

શક્ય છે કે સેલ ફોનનાં અમક ફીચર્સ કે કેટલીક ઍપની ઉપયોગિતા અથવા એના જોખમથી તમે અજાણ હો.

- 

ડિજિટલ દુનિયાના વાચકમિત્રોએ પૂછેલા અને અમે ચૂંટેલા કેટલાક પ્રશ્નોના જવાબ આ સાથે પ્રસ્તુત છે..

ભૂલથી ડિલીટ થઈ ગયેલા ફોટા કે વિડિયો મોબાઈલમાંથી કઈ રીતે રિકવર કરવા?

આની માટે પ્લે સ્ટોર પર અનેક ઍપ્સ છે, પણ વાપરવામાં સરળ હોય એવી એક ઍપ છે DiskDigger Photo Recovery. આ ઍપ તમારું કામ ઘણું સરળ બનાવે છે. ઍપ ઈન્સ્ટૉલ કરો, સ્ક્રીન પર આવતાં બે ઓપ્શન search for lost photos કે search for lost videos પૈકી જરૂરત મુજબનું ઓપ્શન ક્લિક કરો. ઍપ જે પરમિશન માગે એ Allow કરો.. અને હવે જુઓ કે સ્ક્રીન પર તરત જ ફોનમાંથી અગાઉ ડિલીટ થયેલા તમામ ફોટો કે વિડિયો થમ્બ નેઈલ સાથે દેખાશે. બસ, હવે કામના હોય એ તમામ થમ્બ નેઈલ સિલેક્ટ કરો અને પછી નીચે દેખાતા રિકવર બટન પર ક્લિક કરો. વાત પૂરી. આ ઍપ ન ફાવે તો Undelete Recover Files amp, Data, Photo Recovery Pro, GT Recovery જેવી ઍપ્સ પણ તમે ટ્રાય કરી શકો છો.

શું ઍન્ડ્રોઈડ ઍપ્લિકેશન હું મારા ડેસ્કટૉપ કે લૅપટૉપ પર ચલાવી શકું?

વડીલો અથવા જેમને ઝીણા અક્ષર જોવામાં તકલીફ પડતી હોય એવા લોકોને મોબાઈલ ફોનની સ્ક્રીન નાની પડે એ સ્વાભાવિક છે. એમના ડેસ્કટૉપ કે લેપટૉપમાં જો ઍન્ડ્રોઈડ ઍપ્લિકેશન ચાલતી થઈ જાય તો સોનામાં સુગંધ ભળી કહેવાય. આ માટે એક રસ્તો છે ઈમ્યુલેટર પ્રકારનો સૉફ્ટવેર ડાઉનલોડ કરીને તમારા ડેસ્કટૉપ કે લૅપટૉપમાં ઈન્સ્ટૉલ કરી દો.