સન્ડે એટલે સ્લમ ડે

ઝૂંપડાંવાસીઓને પાક્કાં ઘર આપવાની જહેમત.

- 

રવિવારે બપોરે લાંબી ઊંઘ ખેંચવાના આશય સાથે ઘણા લોકો આ દિવસની રાહ જોતા હોય છે, પરંતુ સૌરાષ્ટ્રના ગોંડલમાં યુવાનોનું એક ગ્રુપ રવિવારને જુદી નજરે જુએ છે. મિશન સન્ડે એટલે સ્લીપિંગ નહીં, પણ સ્લમ ડેનું સૂત્ર અપનાવી કામ કરી રહેલા સેવાભાવી યુવાનોનું આ ગ્રુપ છે.

મિશન સન્ડે ગ્રુપના કાર્યકરો રવિવારે આરામ કરવાને બદલે ઝૂંપડપટ્ટીઓમાં સેવાનાં કામ માટે નીકળી પડે છે. પાંચ વર્ષથી મિશન સન્ડે નિઃસ્વાર્થભાવે આ કામ કરે છે.