പുതുവർഷം, പുത്തൻ ലക്ഷ്യങ്ങൾ: പ്രവാസികൾക്കായി 6 ചുവടുകൾ

പ്രവാസികൾക്കൊരു വഴികാട്ടി

- അനൂജ് ശശീന്ദ്രൻ

പുതുവർഷം വെറും കലണ്ടർ മാറ്റമല്ല, മറിച്ച് നമ്മുടെ സമ്പാദ്യശീലങ്ങളെ പുനർനിർമിക്കാനുള്ള അവസരം കൂടിയാണ്. ഗൾഫ് രാജ്യങ്ങളിലെ മാറുന്ന സാഹചര്യങ്ങളും നാട്ടിലെ വർധിച്ചുവരുന്ന ജീവിതച്ചെലവും കണക്കിലെടുക്കുമ്പോൾ, ഓരോ പ്രവാസിയും കൃത്യമായ ഒരു "ഫിനാൻഷ്യൽ മാപ്പ് തയാറാക്കേണ്ടത് അനിവാര്യമാണ്.

1. ബജറ്റിങ് : പണച്ചോർച്ച അടയ്ക്കാം വരുമാനം വർധിപ്പിക്കുന്നതിനെക്കാൾ പ്രധാനം അനാവശ്യ ചെലവുകൾ നിയന്ത്രിക്കുക എന്നതാണ്.

പതിയിരിക്കുന്ന ചെലവുകൾ കുറയ്ക്കുക. സബ്സ്ക്രിപ്ഷനുകൾ, ചെറിയ ഷോപ്പിങ്ങുകൾ തുടങ്ങി ശ്രദ്ധിക്കാതെപോകുന്ന ചെറിയ ചെലവുകൾ മാസാവസാനം വലിയ തുകയായിമാറും. ഇവ ട്രാക്ക് ചെയ്യാൻ "Money Manager' പോലുള്ള ആപ്പുകൾ ശീലമാക്കുക.

50/30/20 റൂൾ: വരുമാനത്തിന്റെ 50% അത്യാവശ്യങ്ങൾക്കും 30% ആഗ്രഹങ്ങൾക്കും 20% നിക്ഷേപങ്ങൾ മാറ്റിവയ്ക്കുക.

2. കടബാധ്യതകൾ കുറയ്ക്കാം

കടമില്ലാത്ത പ്രവാസ ജീവിതം എന്നതാണ് ഏറ്റവും വലിയ സമ്പാദ്യം.

ക്രഡിറ്റ് കാർഡ്, പഴ്സനൽ ലോണുകൾക്ക് 12% മുതൽ 30%വരെ പലിശ വരും. ഇവ മുൻഗണനാക്രമത്തിൽ അടച്ചുതീർക്കുക.