പേപ്പർ ബാഗുകളുടെ പിടി നിർമിച്ച് മാസം നേടുന്നത് 6 ലക്ഷം രൂപ

മത്സരം വളരെ കുറവാണ് എന്നതാണ് പ്രധാന ആകർഷണം.15 ശതമാനമാണ് അറ്റാദായം.

- ടി.എസ്.ചന്ദ്രൻ മുൻ ഡെപ്യൂട്ടി ഡയറക്ടർ, സംസ്ഥാന വ്യവസായ വാണിജ്യവകുപ്പ്

നിർമിക്കുന്നതും വിൽപന നടത്തുന്നതും ഉൽപന്നമല്ല, മറിച്ച് സംരംഭങ്ങൾക്ക് ആവശ്യമായ അസംസ്കൃത വസ്തുക്കളാണ് എന്നിടത്താണ് മെറിൻ ഹേമയുടെ ബിസിനസ് വ്യത്യസ്തമാകുന്നത്. തിരുവനന്തപുരം ജില്ലയിലെ പൂവാറിൽ ടോൻ പേപ്പർ പ്രോഡക്ട്സ് എന്ന പേരിലാണ് ഈ വനിതാ സംരംഭകയുടെ യൂണിറ്റ് പ്രവർത്തിക്കുന്നത്.

കേരളത്തിൽ വളരെ അപൂർവമായ ഒരു ബിസിനസ് മോഡലാണിതെന്നു പറയാം. മുടക്കുമുതലല്ല പ്രശ്നം. ഇത്തരത്തിൽ വ്യത്യസ്തമായ ഒരു ബിസിനസ് ആശയത്തെക്കുറിച്ചു ചിന്തിക്കുന്നവർ തീരെ കുറവാണ്.

എന്താണ് ബിസിനസ്?

പേപ്പർ കവറുകളും പേപ്പർ കാരിബാഗുകളും നിർമിക്കുന്ന ഒട്ടേറെ പേപ്പർ അധിഷ്ഠിത സംരംഭങ്ങൾ ഇന്നു കേരളത്തിൽ പ്രവർത്തിക്കുന്നുണ്ട്. വനിതാസംരംഭകരാണ് കൂടുതലായും ഈ രംഗത്തുള്ളത്. അത്തരം സംരംഭങ്ങൾക്ക് ആവശ്യമായ പേപ്പർകവർ ഹാന്റിലാണ് ടോൻ പേപ്പർ പ്രോഡക്ട് നിർമിച്ചു വിൽക്കുന്നത്. മെഷിനറിയുടെ സഹായത്തോടെ പേപ്പർ ട്വിസ്റ്റ് ചെയ്ത് റോപ് ആക്കുന്നു. പശ തേച്ച് ഒട്ടിച്ചാണ് ട്വിസ്റ്റ് ചെയ്യുന്നത്. ഇങ്ങനെ രൂപപ്പെടുത്തിയെടുക്കുന്ന റോപ് ഉപയോഗിച്ചാണ് പേപ്പർ കാരിബാഗിന്റെ ഹാന്റിലുകൾ ഫിക്സ് ചെയ്യുന്നത്. കേരളത്തിൽ രണ്ടോ, മൂന്നോ സ്ഥാപനങ്ങൾ മാത്രമേ ഇത്തരം ഉൽപന്നങ്ങൾ നിർമിക്കുന്നുള്ളൂ.

എന്തുകൊണ്ട് ഈ ബിസിനസ്?