പ്രതിസന്ധി അടുത്ത വർഷവും തുടരും നേട്ടമുറപ്പിക്കാൻ ഡെറ്റ് ഫണ്ട് ഉപയോഗപ്പെടുത്താം

2024 ജൂൺ മുതൽ ജെപി മോർഗന്റെ എമർജിങ് മാർക്കറ്റ് സൂചികയിൽ ഉൾപ്പെടുത്തുന്നതോടെ ഇന്ത്യൻ ബോണ്ടുകളിലേക്ക് 20-25 ബില്യൺ ഡോളറിന്റെ അധിക വിദേശനിക്ഷേപം പ്രതീക്ഷിക്കാം.  

- കൗസ്തബ് ഗുപ്ത

ആഗോള സമ്പദ് വ്യവസ്ഥ മുൻപെങ്ങുമില്ലാത്ത തരം പ്രതിസന്ധികളെ നേരിടുകയാണ്. ഏറ്റവും ഒടുവിൽ അത് ഇസ്രായേൽ പാലസ്തീൻ സംഘർഷത്തിൽ വരെ എത്തിനിൽക്കുന്നു. പലവിധ അസ്ഥിരതകൾക്കിടയിലും അദ്ഭുതകരമായ ചെറുത്തുനിൽപ്പ് 2023ൽ വിവിധ സമ്പദ്വ്യവസ്ഥകളിൽ പ്രകടമാണ്. മാന്ദ്യം പ്രവചിച്ചിട്ടും, പ്രതിരോധം തകരാതെ പിടിച്ചുനിൽക്കുന്ന യുഎസ് അതിന് ഉദാഹരണം.

അതേസമയം 2024ൽ കാര്യങ്ങൾ ഈ രീതിയിൽ ആവാൻ സാധ്യതയില്ല. വളർച്ച ഈ വർഷത്തെ അപേക്ഷിച്ച് ഇടിക്കും. യൂറോപ്പിൽ കാര്യങ്ങൾ അത്ര ശുഭകരമല്ല. നിർമാണ മേഖലയിലെ മുരടിപ്പ് പല യൂറോപ്യൻ രാജ്യങ്ങളെയും മാന്ദ്യത്തിലേക്ക് തള്ളിവിട്ടേക്കാം. പണപ്പെരുപ്പം കുറയുന്നതാണ് യൂറോപ്പിൽ നിന്നുള്ള ഒരു ശുഭകരമായ വാർത്ത ചൈനീസ് സമ്പദ് വ്യവസ്ഥയും ദുർബലമായി തുടരുകയാണ്.