100 കോടി രൂപ മൂല്യവുമായി പുത്തൂർ ഇൻഫോടെക് ഐടി സേവനരംഗത്തെ മലയാളി കോർപറേറ്റ് കമ്പനി

ഡെൽ, എച്ച്സിഎൽ, ഭാരത് ഇലക്ട്രോണിക്സ് മുതൽ എസ്ബിഐ, ഇൻഫോസിസ്, വിപ്രോ അടക്കമുള്ള വൻകിട സ്ഥാപനങ്ങൾക്കും കേന്ദ്ര സംസ്ഥാന സർക്കാർ വകുപ്പുകൾക്കും വരെ സേവനം.

- 

നിങ്ങൾ സ്വന്തം ബിസിനസിൽ ശ്രദ്ധിക്കൂ. സ്ഥാപനത്തിലെ ഐടി കാര്യങ്ങളൊക്കെ ഞങ്ങൾ നോക്കിക്കോളാം എന്ന ഉറപ്പാണ് ഉപയോക്താക്കൾക്കു ഞങ്ങളുടെ ടീം നൽകുന്നത്. അതുകൊണ്ടുതന്നെ ഓഫിസ് പ്രവർത്തനങ്ങൾ ഓട്ടമേറ്റ് ചെയ്യാൻ ആഗ്രഹിക്കുന്ന സംരംഭകനാണെങ്കിൽ നിങ്ങൾക്കു പുത്തൂർ ഇൻഫോടെക്കിനെ ധൈര്യമായി സമീപിക്കാം, പറയുന്നത് കമ്പനി മാനേജിങ് ഡയറക്ടർ ജയപ്രകാശ് ടി.പി. ഐടി മേഖലയിൽ പ്രാഗല്ഭ്യം തെളിയിച്ച മലയാളികൾ ഏറെയാണ്. എന്നാൽ, അക്കൂട്ടത്തിൽ സ്വന്തം സ്ഥാപനം കെട്ടിപ്പടുത്തു വിജയിച്ച ചുരുക്കം പേരിൽ ഒരാളാണ് ജയപ്രകാശ്. പ്രമുഖ ഐടി കമ്പനിയായ എച്ച്സിഎല്ലിൽ നിന്നു നേടിയ വൈദഗ്ധ്യവും അനുഭവസമ്പത്തുമായി 2006ൽ ഐടി കമ്പനിക്കു തുടക്കം കുറിച്ചപ്പോൾ തെക്കേ പുത്തൂർ എന്ന വീട്ടുപേരിലെ 'പുത്തൂർ' നെ ഒപ്പം കൂട്ടുകയായിരുന്നു. 25 ലക്ഷം രൂപ മുടക്കുമുതലിൽ ഏഴു പേരുമായി തുടങ്ങിയ കമ്പനിയുടെ മൂല്യം ഇന്ന് 100 കോടിക്കു മുകളിലെത്തിയതിന്റെ ആഹ്ലാദത്തിലാണ് ഈ മലപ്പുറം സ്വദേശി. ഒപ്പം, ഇന്ത്യയിലെവിടെയും സേവനം നൽകാൻ കെൽപുള്ള ശൃംഖല കെട്ടിപ്പടുത്തതിന്റെ അഭിമാനവുമുണ്ട്. പൂത്തു ഇൻഫോടെക്ക് ഐടി ഇൻഫ്രാസ്ട്രക്ചർ മാനേജ്മെ മേഖലയിൽ രാജ്യത്തെ ആദ്യ മലയാളി കമ്പനി ആണെന്നും അദ്ദേഹം അവകാശപ്പെടുന്നു.

ഏഴിൽ തുടങ്ങി എഴുനൂറായി വളർച്ച