കിടക്ക ഒരുക്കേണ്ടതെങ്ങനെ?

ഭംഗിയായി കിടക്ക വിരിച്ചിടുന്നത് ഒരു കലയാണ്, ശരീരസൗഖ്യം പ്രദാനം ചെയ്യുന്ന കല.

- ജാനിസ് നഹ സാജിദ് ഇന്റീരിയർ കോഴിക്കോട് സ്റ്റൈലിസ്റ്റ്

കിടക്ക എപ്പോഴും വൃത്തിയായി വിരിച്ചിടുന്നത് ഫോട്ടോയെടുക്കാൻ മാത്രമല്ല; മുറി വൃത്തിയായിരിക്കാനും കിടക്കയുടെ ആയുസ്സ് വർദ്ധിക്കാനുമൊക്കെക്കൂടിയാണ്. ഭംഗിയായിരിക്കുന്ന കിടപ്പുമുറി നൽകുന്ന മാനസികസൗഖ്യം വളരെ പ്രധാനമാണ്.

ശൈത്യകാലം കൂടുതലുള്ള രാജ്യങ്ങളുടെ രീതി പിൻതുടർന്നാണ് നമ്മളും കിടക്ക വിരിച്ചിടുന്നത്. വർഷത്തിൽ മൂന്ന് മാസത്തിലേറെ മഴക്കാലവും ചെറിയൊരു മഞ്ഞുകാലവുമേയുള്ളുവെങ്കിലും വേനലിൽ എസി ഉപയോഗിക്കുന്നവരുടെ എണ്ണം കുടുതലാണ് ഇപ്പോൾ. തണുപ്പു കാലത്ത് ഉള്ളതുപോലെയുള്ള സൗകര്യങ്ങൾ എസി ഉപയോഗിക്കുമ്പോഴും ആവശ്യമാണ്.