Ga onbeperkt met Magzter GOLD

Krijg onbeperkte toegang tot meer dan 9000 tijdschriften, kranten en Premium-verhalen voor slechts

$149.99

$74.99/Jaar

Poging GOUD - Vrij

മൺസൂണിന്റെ മുഖശ്രീ

Vanitha Veedu

July 2025

മഴക്കാലത്ത് പൂന്തോട്ടം സുന്ദരവും പ്രയോജനപ്രദവുമാക്കുന്ന ചില നാടൻ ചെടികൾ

ആകാശത്തിന്റെ നീലയ്ക്കും വെയിലിന്റെ സ്വർണനിറത്തിനും പൂക്കളുടെ തുടുപ്പിനുമൊക്കെ പ്രസക്തി നഷ്ടപ്പെടുന്ന സമയമാണ് വർഷകാലം, മഴക്കാലം പച്ചപ്പിന്റേതാണ്; പല ഷേഡുകളിലുള്ള പച്ചയാൽ ഉദ്യാനവും തൊടിയുമൊക്കെ വർണാഭമാകുന്ന ഊർവരകാലം. മഴക്കാലത്ത് പൂന്തോട്ടത്തിന് നിറം വയ്ക്കണമെങ്കിൽ ഉഷ്ണമേഖല കാലാവസ്ഥയിൽ വളരുന്ന ചെടികളെത്തന്നെ ആശ്രയിക്കേണ്ടിവരും. അളവ് കുറയുമെങ്കിലും മഴക്കാലത്തും ഇത്തരം നാടൻ ചെടികളിൽ പൂവിരിയും. പൂക്കൾ ഉണ്ടാകുന്ന ചെടികൾ മാത്രം പോരാ, കു റച്ചു മരുന്നു ചെടികളും മഴക്കാലത്ത് അത്യാവശ്യമാണ്. മഴക്കാലത്തും പുന്തോട്ടം ഒരേസമയം ആകർഷകവും ആരോഗ്യപ്രദവുമായിരിക്കാൻ ഉൾപ്പെടുത്താവുന്ന കുറ ച്ചു ചെടികളാണ് ഇത്തവണ.

ചെത്തി

തെച്ചി അല്ലെങ്കിൽ ചെത്തിയുടെ നാടൻ ഇനങ്ങൾ പോലെത്തന്നെ എളുപ്പത്തിൽ പിടിക്കുകയും പൂക്കുകയും ചെയ്യുന്നവയാണ് ഹൈബ്രിഡ് ചെത്തികൾ. ഇതളുകളുടെ നിറത്തിലും എണ്ണത്തിലുമുള്ള വൈവിധ്യവും കിട്ടാനുള്ള എളുപ്പവും മൂലം ഹൈബ്രിഡ് ചെത്തി തിരഞ്ഞെടുക്കുന്നതാണ് നല്ലത്. ട്രഡീഷണൽ, മോഡേൺ എന്ന വ്യത്യാസമൊന്നുമില്ലാതെ ഏതു ലാൻഡ്സ്കേപ്പിലും ഈ ചെടി ഉപയോഗിക്കാം. മഴക്കാലമാണെങ്കിലും ഇടയ്ക്കിടെ പ്രൂൺ ചെയ്തു കൊടുക്കണം. കോരിച്ചൊരിയുന്ന മഴക്കാലത്ത് മാത്രമേ പൂവ് ഇല്ലാതിരിക്കുകയുള്ളൂ. ഷേഡ് ഇല്ലാത്ത സ്ഥലത്ത് നടണമെന്നുമാത്രം.

ക്രോട്ടൺ

മഴക്കാലത്ത് നിറപ്പകിട്ടാർന്ന പൂന്തോട്ടം കിട്ടാൻ ക്രോട്ടൺ വൈവിധ്യങ്ങൾ സഹായിക്കും. ഇലകളാണ് ഈ ഇനത്തിൽപ്പെട്ട ചെടികളുടെ ഭംഗി. നിറത്തിലും വലുപ്പത്തിലും ആകൃതിയിലുമുള്ള വൈവിധ്യങ്ങൾ ഉണ്ട്. ഷേഡ് ഇല്ലാത്ത ഏതു സ്ഥലത്തും മഴയിലും വെയിലിലുമൊക്കെ കോട്ടൺ നല്ല ഭംഗിയായി നിൽക്കും. കമ്പ് മുറിച്ചു നട്ടാൽ മതി. കാര്യമായ വളപ്രയോഗമോ പരിചരണമോ ആവശ്യമില്ല.