മതിലിന് ചെലവു കുറയ്ക്കാം

വേറിട്ട വഴികളിലൂടെ ചിന്തിച്ചു നോക്കൂ... മതിലിന് ചെലവു കുറയ്ക്കാം, ഭംഗി കൂട്ടുകയും ചെയ്യാം

- 

വീടിനേക്കാൾ വലുതും നാട്ടുകാരെ കാണിക്കാൻ ആഡംബരം വാരിപ്പുശിയതുമായ മതിലിനോട് ഇപ്പോൾ ആർക്കും താല്പര്യമില്ല. മതിൽ ലളിതമാക്കി വയ്ക്കുക എന്നതാണ് പുതിയ നയം. വീടിനോടു ചേരുന്ന ഡിസൈനിലുള്ള ലളിതസുന്ദര മതിലുകളാണ് ഇപ്പോൾ കൂടുതലും.

മതിലിന്റെ പ്രധാന ലക്ഷ്യം സുരക്ഷയാണ്. ഏതു തരം സുരക്ഷയാണോ ആവശ്യം അതനുരിച്ചുള്ള ഡിസൈന് മുൻതൂക്കം നൽകുക. ഇഴജന്തുക്കൾ ഉള്ളയിടമാണെങ്കിൽ അതിനനുസരിച്ചുള്ള ഡിസൈൻ തിരഞ്ഞെടുക്കാം. കള്ളൻമാരിൽ നിന്നു രക്ഷ നേടാൻ കുറേ ഉയരത്തിലൊന്നും പണിതുയർത്തിയിട്ട് കാര്യമില്ല. ഇപ്പോഴത്തെ ഹൈടെക് കള്ളൻമാർക്ക് അതൊക്കെ നിസാരം. കാറ്റും വെളിച്ചവും വേണ്ടയിടങ്ങളിൽ അത്തരം ഡിസൈൻ തിരഞ്ഞെടുക്കാം. ചുരുക്കി പറഞ്ഞാൽ ആവശ്യമാണ് പ്രധാനം.

മതിലിനു വേണ്ടി കാശു കളയുന്നത് മണ്ടത്തരമാണ്. ചെലവു കുറഞ്ഞ മതിൽ പണിയാനുള്ള മാർഗങ്ങൾ മനസ്സിലാക്കാം.

ജിഐ പൈപ്പും ഷീറ്റും